Edhe italianët ankohen për rritje çmimesh, sa kushtojnë buka, vaji, faturat..

Edhe Italia është përfshirë nga vala e shtrenjtimeve si pasojë e agresionit rus në Ukrainë si dhe nga kriza energjetike që goditi botën.

Italianët thonë se ka shtrenjtime masa të gjërave elementare, duke përfshirë bukën si dhe gjërat e tjera elementare ushqimore, por edhe derivatet e naftës.

Sidomos për shkak të luftës midis Rusisë dhe Ukrainës, pati rritje të menjëhershme të çmimeve. Eshtë rritur çmimi i bukës, vajit, sheqerit, por mbi të gjitha është rritur çmimi i energjisë elektrike, përcjell INA.

Buka kushton rreth tre euro për kilogram, vaji 2 euro, kurse mishi nëse blihet në dyqan mund të arrijë deri në 8 euro për kilogram. Çmimet janë rritur në javët e fundit. Pothuajse në të gjitha supermarketet ka një rritje prej 50 për qind të çmimeve të pijeve joalkoolike.

Po ashtu frutat dhe perimet janë gjithashtu më të shtrenjta. Ajo shton se italianët janë kundër luftës dhe kanë frikë, ata janë në pritje të një marrëveshje që do të ndalonte luftën në Ukrainë.

Frika nga ko ronavirusi është ende këtu. Ata thonë se pavarësisht gjithçkaje duhet të kemi kujdes në masat për mbrojtje nga virusi. Italia ishte një nga vendet më të prekura.

Në muajin shkurt, inflacioni në Itali u rrit me 0.9 për qind në bazë mujore dhe me 5.7 për qind në bazë vjetore. Në eurozonë çmimet e konsumit u rritën me 5.9 për qind. Në Gjermani çmimi i bukës mund të arrijë deri në 10 euro. Mijëra protestojnë në Madrid të Spanjës për çmimet e larta të karburantit.

/(INA)