E rëndë: Vëllai qëllon me kallashnikov ndaj vëllait, shkak u bë..!?

Një konflikt i dhunshëm familjar mes dy vëllezërve në zonën e Paskuqanit, Tiranë, është neutralizuar në kohë nga Policia, duke shmangur përshkallëzimin në ngjarje me pasoja të rënda.
Ngjarja ndodhi kur 61-vjeçari M. M., shtetas me precedent penal për kundërshtim të punonjësit të Policisë, qëlloi me armë zjarri automatike në ajër, për të kanosur vëllanë e tij, 63-vjeçarin A. M., i cili dyshohet se kishte ushtruar dhunë ndaj vajzës së M. M.

Pas njoftimit për ngjarjen, shërbimet e Komisariatit të Policisë Nr. 5 reaguan menjëherë, duke mbërritur në vendin e konfliktit dhe arrestuar në flagrancë të dy vëllezërit.
Gjatë kontrollit në banesën e 61-vjeçarit, Policia gjeti dhe sekuestroi një armë zjarri kallashnikov, municion luftarak si dhe një mjet prerës (sëpatë).
Materialet procedurale për këtë rast janë referuar në Prokurorinë e Tiranës për veprime të mëtejshme ligjore.

Njoftimi zyrtar i policisë:
Tiranë/Ndërhyrja e menjëhershme e Policisë, parandaloi përshkallëzimin e një konflikti me armë zjarri, në një familje në Paskuqan.
Qëlloi me armë zjarri automatik në ajër, për të kanosur vëllanë e tij, arrestohet 61-vjeçari (shtetas me precedent).

Në pranga dhe vëllai, pasi dhunoi vajzën e 61-vjeçarit.
Gjenden në banesën e 61-vjeçarit dhe sekuestrohen arma e zjarrit kallashnikov, municion luftarak dhe 1 mjet prerës (sëpatë).

Shërbimet e Komisariatit të Policisë Nr. 5, sapo janë njoftuar për një konflikt mes 2 vëllezërve në Paskuqan, kanë organizuar punën dhe kanë shkuar në vendngjarje, për të nxjerrë autorët para përgjegjësisë penale dhe për të sqaruar rrethanat e rastit.

Si rezultat i ndërhyrjes së menjëhershme, shërbimet e Policisë kanë neutralizuar të dy shtetasit e përfshirë në konflikt, konkretisht M. M., 61 vjeç (me precedent për kundërshtim të punonjësit të Policisë) dhe A. M., 63 vjeç, vëllezër, të cilët në përfundim të veprimeve procedurale u arrestuan në flagrancë.

Nga veprimet hetimore të kryera dyshohet se shtetasi M. M. qëlloi me armë zjarri kallashnikov, në ajër, për të kanosur shtetasin A. M., i cili i kishte dhunuar vajzën.
Materialet procedurale iu referuan Prokurorisë së Tiranës, për veprime të mëtejshme.

/syri.net