Dy volejbolliste nga Kërçova në kombëtaren U-16 të Maqedonisë!

Dy talentet premtuese të volejbollit kërçovar, Sara Alimi dhe Erjona Arsllani, janë ftuar zyrtarisht nga kombëtarja e Maqedonisë U-16 (pionere) për të qenë pjesë e fazës përgatitore në Shkup, që do të zhvillohet nga 12 deri më 18 qershor 2025.

Pas një sezoni të suksesshëm me KV “Uskana”, vajzat nga gjenerata 2010 kanë rënë në sy për lojën e tyre të disiplinuar dhe potencialin e jashtëzakonshëm. Ato pritet të përfaqësojnë vendin në Kampionatin Ballkanik – BVA, që do të mbahet në Mal të Zi nga 19 deri më 23 qershor.

Nga klubi Uskana u shprehën të bindur se përkushtimi dhe puna e tyre do të shpërblehen me paraqitje të denjë në arenën ndërkombëtare.
Sara dhe Erjona tashmë janë shembull frymëzimi për brezat e rinj sportistë në Kërçovë.

/tvgurra