Dy të vdekur nga aksidenti i rëndë, i riu shqiptar po lufton për jetën..(FOTO)

Një aksident i rëndë ka ndodhur në Greqi, ku dy të rinj, një 16-vjeçar dhe një 18-vjeçar, kanë humbur jetën, ndërsa një shqiptar 17-vjeçar po lufton për jetën.

Ngjarja ndodhi në Miliona të Prespes, kur mjeti në të cilin udhëtonin tre të rinjtë doli nga rruga dhe u përplas me një pemë. Ata ishin nisur nga Follorina drejt Agio Germano.

Si pasojë e aksidentit, kanë humbur jetën 16-vjeçari Kostantino dhe 18-vjeçari Stavro. Ndërsa 17-vjeçari shqiptar, Klajdi Pero, i njohur edhe si Nikos, ndodhet në gjendje kritike në spitalin “Papabilolaou” të Selanikut dhe është bërë apel për dhurim gjaku për të shpëtuar jetën e tij.

Sipas mediave greke, 17-vjeçari ka një hematomë në kokë që për momentin nuk mund të operohet, ndërsa ka edhe fraktura të shumta në të gjithë trupin

Tragjedia ka tronditur komunitetin, dhe shpresa e vetme për Klajdin është ndihma e shpejtë dhe mbështetja nga ata që mund të kontribuojnë me dhurim gjaku.

FOTO:

/vizionplus.tv