Dy futbolliste të KFF Uskana-Kërçovë ftohen në Reprezentacionin U15 të Maqedonisë

Klubi i Futbollit të Femrave KFF Uskana – Kërçovë vazhdon të dëshmojë se është një vatër e vërtetë e talenteve të futbollit të vajzave. Dy futbollistet e reja dhe premtuese, Jonida Lika dhe Zelije Ballazhi, kanë marrë ftesë zyrtare nga Reprezentacioni i Maqedonisë U15 për të qenë pjesë e kampit stërvitor që do të zhvillohet në Dojran nga data 16 deri më 20 janar 2026.

Ky sukses vjen si rezultat i punës së palodhur dhe profesionale të stafit teknik dhe trajnerëve të klubit, të cilët po formojnë breza të rinj sportistesh me potencial të madh. Vlen të theksohet se edhe dy futbolliste të tjera të KFF Uskana tashmë janë pjesë e Reprezentacionit U17 futbollistet Arianesa Arsllani dhe Dorontina Sejdini , duke e bërë klubin një nga më të suksesshmit në zhvillimin e futbollit të vajzave.

Si i vetmi klub i futbollit për vajza në Kërçovë, KFF Uskana meriton përkrahje dhe mbështetje më të madhe nga autoritetet komunale dhe institucionet sportive, pasi po përfaqëson denjësisht qytetin në arenën kombëtare dhe po ndërton të ardhmen e sportit të femrave. ⚽👏

/tvgurra