Drugova e Kërçovës në harresë, banorët kanë humbur shpresat..! (VIDEO)

Kështu jetohet në fshatin Drugovë i cili është vetëm 5 km larg qytetit të Kërçovës. Rrugë të pa asfaltuara, pa kanalizim dhe fekale të cilat derdhen në rrugë, ndërsa era e keqe është çështje më vete.

Qytetarët janë lodhur duke bërë kërkesa të panumërta për rregullimin e fshatit i cili në gjendje të këtillë është që nga viti 1990.

“Prej 90-tës, kemi qenë disa herë tek Fatmiri, do ta bëjmë do ta bëjmë dhe ja ende mbeti kështu pa bërë.
Gazetarja: Çfarë thotë Fatmiri pse nuk e bënë? Duhet ta pyesni atë. Na tha do ta përfundoj, por na përmend ish- kryetarin e Drugovës, Mojsoski Çirko, i vodhën paret”, tha një banor.

“Ja shihni vetë si është, në cilin shekull jetojmë, fekalet gjithë kalojnë poshtë tek bekatonkat. Kemi fëmijë të vegjël nuk mund t’i dërgojmë në shkollë, kemi të moshuar kemi invalid kemi njerëz të ndryshëm dhe e kemi të vështirë të gjejmë gjuhë të përbashkët, kemi provuar edhe me këto edhe me ato. Kemi qenë te kryetari megjithatë gjithsecili po mbrohet ai thotë Qirko i ka marr parat dhe se ka realizuar “, shtoi një banor.

“Situata 0, katër kryetar dhe nuk kanë bërë asgjë, kjo është katastrofë, lëvizin fëmijë të vegjël. Erdhën e matën para 4 apo 5 vitesh dhe asgjë e shihni vetë si është”, u shpreh një baor.

“Këtë që e shini është asgjë në krahasim me atë që ndodh kur ka më shumë shi, paramendo edhe verës kemi ujë gjithë kohës, kur bie shi sjellë mbeturina, shishe plastike dhe mbeturina të tjera. Vijnë para zgjedhjeve kur ndryshohen qeveria, premtojnë që do të bëhet tani, do të bëhet pastaj dhe e kanë lënë ashtu”, pohoi një banor.

Drugova ka qenë Komunë në vete deri në vitin 2013 kur u bë edhe bashkimi i Komunave në Kërçovë në një të vetme. As atëherë, e as tani nuk është ndërmarrë asgjë. TV21 disa here ka raportuar për gjendjen në Drugovë. Kryetari Komunës së Kërçovës Fatmir Dehari disa herë na ka thënë se pret përfundimin e rrjetit të kanalizimit i cili ka filluar në Zajaz dhe do të përfundojë në Kërçovë dhe më pas të kyçen të gjithë në rrjetin e kanalizimit dhe të asfaltohen rrugët.

VIDEO:

/tv21