Drin Ahmeti reagon ashpër, kërkon prova dhe falje publike..

Koalicioni VLEN ka akuzuar Drin Ahmetin, nipin e liderit të BDI-së, Ali Ahmeti, për jetesë luksoze dhe abuzim me pasurinë, duke theksuar se ai është parë duke drejtuar një Rolls Royce të bardhë me targa të Kërçovës, një makinë luksoze me vlerë rreth 400 mijë euro.

“Drin Ahmeti nuk e do Ferrarin sepse është parë duke vozitur një Rolls Royce të bardhë me targa të Kërçovës, veturë me vlerë rreth 400 mijë dollarë. Pra, bëhet fjalë për nipin e Ali Ahmetit, të riut “super inteligjent” për të cilin Prokuroria ka kërkuar ndihmë edhe nga SHBA-ja lidhur me transaksionet e dyshimta financiare të tij” – thonë nga VLEN.

Pas akuzave të ko0alicionit VLEN ka reaguar Drin Ahmeti duke hedhur poshtë këto akuza si të pabaza. Në një deklaratë të dërguar për mediat, Ahmeti kërkoi që koalicioni VLEN të paraqesë prova konkrete dhe të verifikueshme për akuzat e ngritura ndaj tij. A

-Nëse ka të vërteta në këtë histori, unë ju sfidoj që të jepni prova të qarta, të pamohueshme – fotografi, regjistrime të targave, rrëfime të dëshmitarëve okularë ose ndonjë dokument tjetër legjitim – për të vërtetuar pretendimin tuaj.

Përhapja e gënjeshtrave të tilla është njëkohësisht e dëmshme për reputacionin tim dhe mashtruese për publikun. Kërkoj një tërheqje të menjëhershme të deklaratës suaj dhe një falje zyrtare publike. “Nëse nuk e bëni këtë me kohë, nuk do të më lini zgjidhje tjetër veçse të ndjek të gjitha mjetet juridike në dispozicion”, thuhet në emailin e Ahmetit.

Për më tepër, Ahmeti kërkoi një tërheqje të menjëhershme të akuzave dhe një falje publike nga ana e koalicionit VLEN. Ai paralajmëroi se, nëse nuk tërhiqen, do të përdorë çdo mjet juridik në dispozicion për të mbrojtur dinjitetin dhe reputacionin e tij.

“Nëse nuk e bëni këtë, nuk do të më lini zgjidhje tjetër veçse të ndjek të gjitha mjetet juridike të mundshme”,tha Drin Ahmeti.
Nga BDI thonë se VLEN është e përzgjedhur nga VMRO-DPMNE, po përpiqen të fshehin dështimet e tyre dhe tradhtinë ndaj interesave shqiptare duke shpifur dhe shpërndarë propagandë.

“Të margjinalizuar dhe të papërfillur nga ata që i emëruan, ata e kalojnë ditën duke shpërndarë propagandë kundër BDI-së, për të fshehur dështimin e tyre të plotë dhe tradhtinë ndaj interesave shqiptare. Aq shumë janë të kapur nga VMRO-DPMNE- ja, saqë kanë filluar edhe të duken si ata – duke u marrë me shpifje dhe propagandë për të kaluarën, sepse nuk kanë asnjë rezultat për të treguar në të tashmen” – thonë nga BDI.

Sipas BDI-së, këto parti po e dëmtojnë përfaqësimin shqiptar dhe po i japin prioritet interesave të huaja në vend që të mbrojnë interesat e popullit shqiptar.

/ts