Drejtori i NQK “Koço Racin” – Kërçovë Mazllam Osmani me urim për Lulzim Sadikun

Urime të përzemërta shokut dhe bashkëpartiakut tonë Lulzim Sadiku për emërimin si drejtor i ri i Gjimnazit “Drita” në Kërçovë.
Pas dorëheqjes së drejtorit Festim Ahmedi, ky institucion i rëndësishëm arsimor i besohet një kuadri të dëshmuar, i cili prej vitesh ka kontribuar drejtpërdrejt në formimin e brezave të rinj si profesor i historisë në të njëjtin gjimnaz.

Ky emërim është jo vetëm një vlerësim për punën dhe përkushtimin e tij profesional, por edhe një përgjegjësi e madhe për të çuar përpara misionin arsimor të shkollës.
Drejtori i ri vjen si propozim i VLEN-it nga radhët e Alternativa – Kërçovë, gjë që përforcon besimin se arsimi do të udhëhiqet me vizion, përgjegjësi dhe frymë bashkëpunimi.

Njëkohësisht, urime edhe për Zana Rrhmani, e cila do të ushtrojë detyrën e zëvendësdrejtoreshës, me bindjen se bashkë do të krijojnë një ekip të fortë drejtues.
Ju urojmë shumë suksese, vendime të mençura dhe punë të mbarë në këtë detyrë të rëndësishme, në shërbim të nxënësve, mësimdhënësve dhe gjithë komunitetit të Kërçovës.

/ms