Drejtori Agim Sadiku: Përgjigje për Manipulatorët, prononcuar përmes BDI Dega Kërçovë

Heshtja do të ishte ideale për dështakët e të DUI-t, të cilët në vend që të mbyllin gojën në këto periudhë dështimesh përpiqen që përmes goditjeve të ulta të hijëzojnë keqpërdorimet e bëra ndër vite.

Do bëhej mirë që në heshtje të numëroni dështimet e bëra gjatë qeverisjes 23 vjeçare, por edhe gjetjen zgjidhje të pajisjes me diploma fallco të “funksionarve” që i kanë marrë me të brenda natës, për të plotësuar kushtet e emërimit nëpër pozicione, si dhe procedurat e filluara me shkelje ligjore të panumërta në procesin e punës, për tu pasuruar përmes hajdutërive të panumërta!

Në vazhdën e akuzave të pabaza janë edhe 30 punësimet që i përmendin, përmes portaleve të keqinformuara dhe të ndikuara dhe të cilat punësime janë bërë jashta çdo procedure dhe në kundërshtim me ligjin dhe kodin zgjedhor. E gjitha është bërë që të shantazhojnë e manipulojnë punëtorin dhe votuesin, për të ruajtur pushtetin diktatorial.

Me kërkesë të komisionit për antikorrupsion, qeveria ka sjellur vendim, për suspendim të këtyre vendimeve dhe rikëthimin e vendimeve paraprake. Kështu të nderuar qytetar, LSDM- BDI-ja ka siguruar fitoret paraprake dhe tani rrejshëm është duke u thirrur në legjitimitetin e siguruar përmes vjedhjes së votës shqiptare.
Të gjitha pozicionet udhëheqëse janë mbrojtur dhe udhëhiqen nga kuadrot shqiptar, si dhe kemi ngritje në detyrë të mbi 50-të, të punësuarve, si dhe punësime të reja, por asesi zbritje dhe nënçmime (të punëtorëve) siç pretendojn të manipulojnë dështakët, harambashët dhe hajdutët e BDI-së.

Është mirë mos pretendoni që të manipuloni opinionin publik sepse u kanë mësuar hilet e bëra në këto dy dekada.
Keni bërë mbi 150 vendime të dyfishta, për manipulim me të punësuarit, ku vendimet i kanë në një vend dhe punojn përkohësisht në një vend tjetër.
Jeni tallur edhe me femrën shqiptare, duke u nënshkruar kontrata në xeherore, si eskavatore dhe drejtuese të makinerive të ndryshme, ndërkohë që tani mundohem ti sistemoj në vende adekuate e në përputhje me profesionet e tyre.

Ka edhe milion gjëra, të cilat duhet të shpalosen, por do ia lejmë kohës dhe procedurave të filluara, për keqpërdorimet e bëra nga udhëheqësit e përcaktuar nga ana juaj.
Hajdutët dhe porositësit do të dënohen, për këtë mos u mërzitni.
Shkruan drejtori i TEC Osllome Agim Sadiku.

/ms