Dr. Florim Cuculi: Nuk duhet përçarje mes vendasve dhe diasporës Kërçovare

Të nderuar Uskanas, e nderuara mërgatë
Rezultati i zgjedhjeve lokale sigurisht na ka shokuar të gjithëve por kjo nuk duhet të rezultojë në mllef dhe sjellje toksike. Ne duhet të shikojmë përpara. Më shumë se kurrë na duhet bashkim dhe jo përçarje.

Nuk na duhet përçarje mes vendasve dhe diasporës, nuk na duhet përçarje partiake dhe nuk na duhet hakmarrje ndaj njerëzve që kanë votuar ndryshe.

Mendoj që duhet të bëhemi bashkë, t’i analizojmë rezultatet me kokë të ftohtë dhe të shikojmë përpara. Uskana është amaneti i të parëve tanë dhe nuk bëjmë mirë në rast se ia kthejmë kurrizin.

Kemi duruar shumë në historinë tonë, do ta durojmë edhe këtë fazë e cila është kaluese. Kokën lart dhe ecim përpara.
Me respekt,
Florim Cuculi

/ms