A do të vaksinoheni për të pirë kafe? Ja cfar thonë qytetarët..(VIDEO)

Edhe pak ditë kanë ngelur deri në hyrjen në fuqi të masave të reja për hotelierinë.
“Të pa vaksinuarit kanë në dispozicion edhe 5 ditë që të shijojnë kafenë, sepse nga 16 gushti ata nuk do të mund të hyjnë nëpër kafene ku ka më shumë se 30 persona”, raporton gazetarja Almedina Ismajli.

Për disa qytetarë masat janë adekuate, sepse shëndeti është më i vlefshëm, ndërsa të tjerët nuk i përkrahin, por do të vaksinohen vetëm që të mund të pinë kafe rehat.

“-Çfarë mendoni për masat?
-Po shëndeti publik është mbi gjitha.
-Ti çfarë mendon?
-Nuk është OK.
-A nuk je i vaksinuar?
-Jo, por do të duhet të vaksinohem.
-Vetëm që të hysh në kafene, do të vaksinohesh?
-Po!”

“-Po nuk do të hyj fare. Unë kam thënë nuk vaksinohem dhe do ta çoj deri në fund këtë!
-A do të ju mungojnë kafenetë?
-Po normal, por unë nuk e kam patjetër nëpër qytet, rri në fshat atje pi kafe, te ne nuk është patjetër, po edhe jashtë pi kafe.”

“-Pajtohem plotësisht me masat sepse janë rritur shumë numrat”.
Se si do të zbatohen masat në praktikë ngelet e paqartë për gastronomët. Ata ende nuk kanë udhëzime konkrete se si të veprojnë me mysafirët e pavaksinuar. Ankohen se do të duhet të punësojnë njerëz ekstra që të mbajnë rendin dhe të kontrollojnë nëse janë të imunizuar qytetarët që vizitojnë objekte gastronomike.

“Çfarë do që të ndodh me pandeminë, gjithnjë ne jemi ata që goditemi. Ende nuk dimë asgjë, se si do të implementohet kjo, si kemi kuptuar do të duhet të gjithë të punësuarit të jemi të vaksinuar, duhet jashtë të ketë kontrollues, që të shoh nëse kanë marrë vaksina, apo pasaporta Covid. Askush ende nuk di asgjë, as ne nuk dimë”, tha Kristian Budanovski – menaxher lokali.

Nga Oda e Pavarur e Hotelierëve thonë se kamerierët apo kushdo tjetër nuk guxon t’i kërkojë dhe kontrollojë dokumentet e identifikimit mysafirëve. Qeveria duhet të sjellë akte të reja ligjore dhe nënligjore me të cilat do të definojë vendin e punës së personit, i cili duhet të ketë të drejtë që të kontrollojë qytetarët, e deri atëherë kjo nuk mund të zbatohet thotë kreu i Odës, Zdravko Josifovski.

“Fakti është që hotelierët nuk e kanë këtë të drejtë. Që të hyjnë në privatësi dhe do të krijohen probleme të panevojshme. Çfarë bëjmë me të huajt, me turistët që vijnë nga vendet e huaja në Maqedoni, të cilët kanë ardhur me teste PCR. A do të kenë të drejtë ata që të flenë në hotelet tona dhe të vizitojnë objektet gastronomike?! Kjo do të thotë që objektet hotelierike do të bëhen objekte të fantazmave, gjegjësisht të shumë pak mysafirëve, që do të mund t’i vizitojnë”, tha Zdravko Josifovski nga Oda e pavarur e hotelierëve.

E në përputhje me arsyet e lartpërmendura nga Oda e pavarur e Hotelierëve kërkojnë nga Qeveria që të thirrin një seancë urgjente, ku do të sillet vendim për anulimin e këtyre masave. Përndryshe thonë se të gjithë pronarët do t’i mbyllin kafenetë dhe restorantet.

VIDEO:

https://www.youtube.com/watch?v=82Kmmdu9uZY

/tv21