Dita e arafatit – dispozita dhe dobit ?
Dita e Arafatit është një nga ditët më të vlefshme të Dhulhixhes dhe një nga ditët më të mëdha në Islam. Në këtë ditë Allahu e përsosi fenë Islame dhe e plotësoi dhuntinë ndaj besimtarëve. Është ditë faljeje, mëshire dhe lirimi nga zjarri i Xhehenemit, ku lutjet pranohen dhe gjynahet shlyhen.
Profeti ﷺ ka thënë se duaja më e mirë është ajo e ditës së Arafatit, ndërsa fjala më e mirë që thuhet është:
“La ilahe il-lallahu uahdehu la sherike lehu, lehul mulku ue lehul hamdu ue huve ala kul-li shejin kadir.”
Për ata që nuk janë në haxh, agjërimi i ditës së Arafatit është shumë i vlefshëm dhe shlyen mëkatet e vitit të kaluar dhe të ardhshëm. Në këtë ditë pëlqehet shtimi i lutjeve, dhikrit, leximit të Kuranit dhe pendimit të sinqertë.
Ndërsa për haxhilerët, qëndrimi në Arafat është shtylla kryesore e haxhit. Kjo ditë rikujton Ditën e Gjykimit dhe afrimin e robit tek Allahu me përulësi, shpresë dhe sinqeritet.
/ms
