Dita Botërore e Veshkave: Kirurgu i njohur Kërçovar Dr. Gazmend Elezi me poroisi
Kirurgu i njohur Kërçovar, Dr. Gazmend Elezi, apelon sot për kujdesin ndaj shëndetit renal me rastin e Ditës Botërore të Veshkave, një moment kyç për të rritur ndërgjegjësimin mbi sëmundjet renale dhe për të nxitur praktika të shëndetshme që mbrojnë funksionin e veshkave.
Sëmundjet kronike renale prekin miliona njerëz në mbarë botën dhe shpesh diagnostikohen në stadet e avancuara, duke rritur rrezikun për insuficiencë renale dhe komplikime kardiovaskulare. Specialistët rekomandojnë kontrolle të rregullta, monitorim të presionit të gjakut dhe glikemisë, dieta të balancuara, aktivitet fizik të vazhdueshëm dhe shmangien e faktorëve të rrezikut.
Dr. Elezi nënvizon rëndësinë e dhurimit të organeve, veçanërisht të veshkave, që mund të shpëtojë jetë dhe të përmirësojë ndjeshëm cilësinë e jetës së pacientëve që presin transplant.
Edukimi i publikut dhe vendimet e informuara mbi dhurimin janë hapa thelbësorë drejt një shoqërie më humane dhe të kujdesshme ndaj jetës.
/votra.info
