Detaje të reja për likuidimin e 39 vjeçarit : Bajramin e ndoqën nga shtëpia, e dinte se kishte urdhër për ta vrarë!

Policia është në kërkim të vrasësve të “paguar” të pronarit të kazinosë 39-vjeçar nga Maqedonia, i cili u ekzekutua gjakftohtë në një shtëpi pushimi që kishte marrë me qira në Halkidiki informon Tetovasot.

Sipas burimeve të informuara, hetimit, bëhet fjalë për likuidim të urdhëruar. Burimi thotë se autorët janë edhe “të importuar”, pra janë shtetas të huaj.
Sipas asaj që dihet deri më tani, duket se vrasësit e kanë ndjekur viktimën e tyre nga vendlindja e tij deri në zonën e Haniotit të Halkidikisë përcjellë Tetovasot duke ju referuar mediave greke.

Sipas informacioneve të pakonfirmuara, 39-vjeçari së bashku me një bashkëpunëtor tentonte t’u fshihej vrasësve, pikërisht në Greqi, pasi e dinte që kishte urdhër për likuidimin e tij sepse pak javë më parë, sipas informacioneve policore nga autoritetet maqedonase, një tjetër bashkëpunëtor i tij është vrarë në vendin e origjinës, shkruajnë mediat greke.

Siç shkruajnë mediat greke, përcjell TS, dy autorët duket se i kanë studiuar mirë lëvizjet e tyre. Ata hipën në një motoçikletë, iu afruan shtëpisë me qira dhe filluan të qëllojnë drejt tyre. Ata qëlluan mbi 20 plumba. 39-vjeçari ka rënë i vdekur në vend, ndërsa partneri i tij 45-vjeçar ka mbetur i plagosur dhe është dërguar në spital në gjendje të rëndë. Mjekët nuk mund të thonë me siguri nëse ai i ka shpëtuar rrezikut për momentin.

Ekzekutorët e 39-vjeçarit janë “importuar” në Halkidiki, shkruajnë mediat greke dhe thonë se sipas burimeve të hetimit, ekziston mundësia që ata të jenë arratisur nga Greqia menjëherë pas ngjarjes në drejtim të Maqedonisë Bullgarisë apo Turqisë. Prandaj kontrollet në pikat doganore në kufi me Turqinë, Maqedoninë dhe Bullgarinë janë intensive.

Shumica e këtij lloji të vrasjeve mbeten të pazbardhura, jo aq për mungesë provash, por për shkak të mundësive të arratisjes së vrasësve në vendet e Ballkanit, por kryesisht për shkak të hyrjes së autorëve në vend nëpër shtigje të egra dhe largohen pa qëndruar gjatë në vendin tonë, shkruajnë mediat greke.

Oficerët e Sigurisë së Policisë së Halkidikit janë në kërkim të vrasësve. Po kontrollohen edhe kamerat e sigurisë në zonën e gjerë.TS

/ts