Deri në 15 për qind e popullsisë së Zvicrës janë borxh..!
Tani, “njerëzve me borxhe do t’u jepet mundësia të pastrojnë situatën e tyre financiare dhe të bëjnë një fillim të ri”, tha Këshilli Federal, duke shtuar se ai po propozon dy “procedura të reja të ristrukturimit të borxhit” për individët, përcjell albinfo.ch.
E para do t’u mundësojë njerëzve me të ardhura të rregullta borxhli që të lidhin një marrëveshje me kreditorët që parashikon shlyerjen e pjesshme të borxhit – nëse shumica e kreditorëve e miraton atë dhe një gjyqtar e konsideron të përshtatshme.
Për ata me borxhe që nuk kanë mundësi të arrijnë një marrëveshje me kreditorët e tyre, Këshilli Federal propozon një procedurë ristrukturimi të borxhit përmes falimentimit.
Debitori do të duhet t’ua dorëzojë të gjitha fondet në dispozicion kreditorëve të tyre për një periudhë disa vjeçare, “dhe të provojë se janë bërë përpjekje për të fituar të ardhura të rregullta”, tha qeveria.
Këshilli Federal ka reduktuar kohëzgjatjen e kësaj faze grumbullimi nga katër në tre vjet. “Debitori i cili ka respektuar zotimet e tij gjatë gjithë procedurës do të përfitojë nga lirimi i bilancit të borxheve të tij”, thuhet në njoftim.
/Albinfo.ch
