Demant nga zv/drejtori i EMV Rexhep Asani reth TEC Osllome (FOTO)

Të dashur qytetar, përsëri po detyrohem që të demantoj z.Dehari i cili si duket qëllimisht dëshiron dështimet e veta t’i adresojë në vend tjetër. Ta marrim me rradhë.

TE Osllome si dhe fshatrat e ish Komunës së Osllomesë janë klientë që marrin ujë nga i njejti operator që në rastin konkret është ndërmarrja publike Studençica. TE Osllome ka një kontratë me Studençicën për 138 litra ujë për sekondë çysh kur është ndërtuar Termo Elektrana. Ndërsa furnizimi i fshatrave bëhet po nga i njejti operator me pëlqim për ekonomizim me ujëra për rreth 46.5 litra ujë për sekond nëpërmjet NPK Komunalec.

Në moment jashta këtij pëlqimi, Komunaleci (në tërësi nën kontrollin e Deharit) po shfrytëzon rreth 53 litra ujë. Thirrja apo tendenca për ta defokusuar qytetarin apo votuesin (sepse si duket po e ndjen fundin e tij politik) për të ndërprerë punën Centrali nga i cili sigurojnë bukën e familjeve rreth 1200 punëtor, është dashakeqe dhe e qëllimshme.

Unë si zv.drejtor i EMV i bëj thirrje Deharit të fokusohet të arkëtojë mjetet dhe të mbulojë borxhet kundrejt Studençicës dhe të ndërpresë manipulimin e pompave të ujit për rezervuarët e fshatrave dhe jo të bëjë propagandë të ulët. Qytetarët mungesën e ujit për pije ta kërkojnë te NPK Komunalec dhe te Komuna e Kërçovës sepse kanë lidhur kontratat me ata institucione dhe jo me Termocentralin.

Mungesa e ujit nëpër fshatra nuk ka të bëjë fare nëse punon apo nuk punon Termoelektrana, por ka të bëjë me paaftësinë e Deharit për ta menaxhuar situatën me ujë. Nëse ka keqpërdorime të ujit, duhet të ndërmerr masa komuna. Por këto masa po ti ndërmerr Dehari, rrezikon të humbë vota, prandaj e hedh fajin aty ku nuk është.

Apeloj te qytetarët që zgjidhjen ta kërkojnë në adresën e sakt, e ajo është zyra e Deharit që gjithmonë njerëzit i ka shikuar si vota e jo si qytetar. TE Osllome ka planin e sajë për punë i cili nuk bie ndesh me interesat e popullatës, përkundrazi aty së fundmi fillojnë me punë edhe 60 shqiptar, pra 60 familje që nuk do shpërngulen. Në qeverisjen e kaluar nga keq menaxhimi kemi migrim masiv. Është e kotë klithmat që bën Dehari për pikë politike populiste sepse tani më është një fletorth i lexuar.

Edhe po të fiket elektrana që për një kohë të shkurtër sipas planit do të fiket, qytetarët përsëri do të kenë mungesë uji. Ta shikojmë pastaj kuj do i ankohet ai!!!
Transporti i qymyrit vjen si pasojë e shuarjes së minierës nga bashkëpartiakët e vet që ishin udhëheqësi e Termocentralit. Kur ata bartnin qymyr, vallë me helikopterë e bartnin!!?

Sa për dijeni, rrugët që të çojnë në kombinat, janë rrugë shtetërore magjistrale dhe rajonale që e përballojnë atë lloj transporti. Prandaj mos bëni si çyqe, por përveshjuni punës. Qytetarët dhe gurbetçarët nuk janë pronë private e Juaja, atyre duhet tu shërbesh e jo ti lodhish me fjalë boshe.
Gjithmonë fajin kërkoje te vetja. Ky do ishte një parim që nuk do të lejonte të gabosh.
PS. Foto e skemës së furnizimit nga Studençica.
ark.Rexhep Asani, zv.drejtor i përgjithshëm i EMV.

FOTO:

/ms