Dehari dhe Jovanovski i ikin debatit me Limanin..!

Kërçova aktuale

Siç duket gara për qytetin e Kërçovës kësaj radhe do të jetë ‘e nxehtë’ politikisht.
Në këtë qytet aktualisht po rikandidon kryetari aktual Fatmir Dehari nga radhët e BDI-së, ndërsa në garë është gjithashtu edhe VMRO-DPMNE me kandidatin e saj Aleksandar Jovanovskin si dhe kandidati i pavarur Fatmir Limani i cili mbështetet nga qytetarët, diaspora, opozita dhe shoqëria civile.

Në debatin për Kërçovën të organizuar në televizionin ALSAT-M, që duhej të ishte ndër debatet e para të kandidatëve, i pranishëm ka qenë vetëm Fatmir Limani, ndërsa kandidatët e tjerë Fatmir Dehari dhe Aleaksander Jovanovski nuk janë paraqitur për tu përballur me Limanin.

Kjo nga kandidatët e munguar tregon jo-respekt ose ndoshta edhe mos-guxim për tu përballur me Limanin, i cili në deklaratat e tija ka kërkuar që udhëheqësia aktuale e Komunës së Kërçovës të përballet me të vërtetën.
Deri më tani nga shtabi i Deharit dhe Jovanovskit ende nuk e kanë arsyetuar ikjen nga debati, pritet të shihet se a do të përballen në mediume të tjera për të shprehur qëndrimet e tyre rreth platformës.