Çun Lajçi bised me Kërçovarët e Zvicrës (FOTO)
Rrini (mbasi jeni ku jeni) por fëmijët i bani si vetën!
I kam gjetë do djemë, buzë liqenit, dikund mes grykash e kodrash helvetike, me emna ilir.
Kapuça nuk kishin, se bjeshkët ishin me plisa bore! Ma t’mirë seç kan shkua i gjeta. E t’mirë kishin qenë edhe n’Kërçovë edhe n’Istog!
Jo, s’patën as plisa t’rrafsht si n’Zajaz as plisa me maje si n’Podgur, por zemrat i kishin t’bardha, si retë, si bashkët e deleve bardhoka, si fletët e pashkrueme.
Agim Ballazhi buzagazçe me provokoi: Nji artist e ka katundi im, e dua ta di çfar arti ban e çfarë shpirti ka!
Florimi, shoku i fëminisë, i zgurdulloi sytë. Unë s’e pata t’vështirë përgjigjën: Adem Karagën e dua shumë dhe mburrëm që kam luejt me te n’film! Njeri me shpirt të bardhë, që notoi Vardarit e u ndal n’Urën e Isë Boletinit n’Shkup! Aty e bani folënë e artit n’dërrasa!
Agimit, buzëqeshja iu kthye n’gaz. Jemi kusheri tha e pata qejf me t’provokua. Çohu plak e ma zdrit konakun, se kafen e pi veç me burra t’mirë! Dhe ia kapërceva pragun! Dy vajzat e tij me pritën si dy engjëj t’bardhë!
Nji dhomë do t’jetë e jotja n’Lucern sa t’keshë frymë, m’tha. Ke me shkrua romane e me thurë poezi buzë liqenit e maje kodrave helevetike!
Agim Ballazhi ishte njeni nga ata, që djersët i kishin pikua mirë e mirë e gufua lule!
N’kodrat e liqenit, tek sa binte shi, e takova Podgurin. Mehdi Avdiajn me vllazën, miq e shokë. I ri e puntor sa s’ta merr mendja. Gurë mbi gurë, djersët e ballit i kishte betonua!
Kur foli për Istogun e burrave n’za, iu kujtua kanga:
__Zot çka thanë serbiani
n’Pejë me shkua s’po m’len shqiptari
krejt Podguri asht çua n’kambë
Grykën e Zhlebit ma kan nxanë,
Kur i thashë, mos u ban merak se ia fali Zhleb e Çakorr Ramushi, bukur fort u vrâ!
I kam gjetë do djem, me ba lum nana për ta, që nga nji troshë e çojnë për skamnorët n’atdhe. I tillë ishte edhe Fatmiri!
Rrini (mbasi jeni ku jeni) por fëmijët i bani si vetën u thashë, kur mora rrugë për orrnicat e mia. Florimi si Learti im, me priti e m’gostiti pa iu ndrrua nji herë fiqiri!
Shkruan Çun Lajçi në facebook duke publikuar edhe këto foto:
FOTO:
/ms
