Çmimi i fluturimeve ndërkombëtare nga Zvicra bie, por jo për shumë kohë !

Çmimet e fluturimeve ndërkombëtare nga Zvicra kanë rënë krahasuar me vitin 2024, veçanërisht për disa destinacione. Gjatë verës 2025, ato ishin mesatarisht 4% më të ulëta, dhe trendi pritet të zgjasë deri në fund të vitit.

Sipas Skyscanner, fluturimet ndërmjet Zvicrës dhe SHBA-së janë bërë deri në 18% më të lira, kryesisht për shkak të “luftës tregtare” të nisur nga Donald Trump dhe tarifave 39% ndaj Zvicrës, që sollën rënie të kërkesës. Për të mbushur avionët, SWISS ofroi çmime më të ulëta drejt SHBA-së.

Destinacione të tjera me ulje çmimesh:
Reykjavik – 31% më lirë
Bangalore – 22%
Oslo, Faro, São Paulo – 13%
Bali dhe Lamezia Terme – 12%
Kopenhagen, Jeddah – 11%
Marrakesh – 10%

Rënia e çmimeve lidhet me rritjen e ofertës dhe konkurrencës midis linjave ajrore, si dhe hapjen e rrugëve të reja nga aeroportet zvicerane.

Megjithatë, ekspertët paralajmërojnë se në vitin 2026 çmimet pritet të rriten sërish, për shkak të kostove më të larta të karburantit, personelit dhe promovimit të klasave të larta udhëtimi.

/albinfo