Çmimet e naftës do të bien pas operacionit ndaj Iranit ?

Pak pasi të arrihen të gjitha objektivat e ndërhyrjes ushtarake të përbashkët izraelito-amerikane kundër Iranit, publiku amerikan do të shohë rënien e çmimeve të naftës dhe gazit, deklaroi mbrëmë zëdhënësja e Shtëpisë së Bardhë, Karoline Leavitt.

“Populli amerikan mund të jetë i sigurt se rritja e fundit e çmimeve të naftës dhe gazit është e përkohshme dhe se ky operacion (ndërhyrja ushtarake izraelito-amerikane kundër Iranit) do të rezultojë me çmime më të ulëta të gazit në afat të gjatë”, tha Leavitt në një konferencë për shtyp.

Ajo shtoi se presidenti amerikan, Donal Trump, dhe ekipi i tij i energjetikës po ndjekin me kujdes tregjet, bisedojnë me udhëheqësit e industrisë dhe se ushtria amerikane po zhvillon opsione shtesë në përputhje me udhëzimin e presidentit për të mbajtur të hapur Gjirin e Hormuzit.

Çmimet e naftës u rritën mbi 119 dollarë për fuçi të hënën, më pas ranë në 90 dollarë, duke arritur nivelin më të lartë që nga qershori i vitit 2022, duke shkaktuar shqetësim se kjo mund t’u dëmtojë bizneseve dhe konsumatorëve amerikanë para zgjedhjeve të mesme në nëntor dhe shpresave të republikanëve për të ruajtur kontrollin mbi Kongresin.

/tv21