Cilat vende në Evropë janë më të mira në integrimin e emigrantëve ?

Integrimi i emigrantëve në BE: Suedia në krye, Europa Lindore ngec
Pavarësisht politikave më të ashpra të imigracionit në Europë, disa vende kanë ende politika të forta për integrimin e emigrantëve. Sipas Indeksit të Politikave të Integrimit të Migrantëve (MIPEX), Suedia renditet e para në BE, ndjekur nga Finlanda dhe Portugalia.

Indeksi vlerëson fusha si tregu i punës, arsimi, shëndetësia, shtetësia, pjesëmarrja politike dhe ligjet kundër diskriminimit. BE-ja në tërësi mori një rezultat mesatar prej 54 nga 100, që tregon një bilanc mes pengesave dhe mundësive për emigrantët.

Shtet kryesore:
Suedia ka politikat më gjithëpërfshirëse, veçanërisht në ligjin kundër diskriminimit dhe aksesin në tregun e punës, megjithëse po planifikon politika më të rrepta për shtetësinë dhe lejet e punës.

Spanja dhe Gjermania kanë rezultate të larta në disa fusha, por dobësi në shtetësi dhe bashkim familjar.
Italia dhe Franca kanë rezultate mesatare, me përparësi në kujdes shëndetësor dhe ligje anti-diskriminim, por dobësi në pjesëmarrjen politike.

Danimarka dhe Austria kanë politikat më kufizuese në shtetësi dhe bashkim familjar.
Vendet e Europës Lindore, si Letonia dhe Lituania, kanë politikat më pak të favorshme për integrim.

Fushat më të dobëta në BE: pjesëmarrja politike dhe shtetësia. Vetëm 6 vende lejojnë të huajt jashtë BE-së të votojnë në zgjedhjet lokale pa kufizime.

/ms