Cilat janë pjesët më të këqija të Zvicrës për t’u përballur me valë të nxehti ?

Zvicra po përballet me temperatura rekord, të cilat pritet të bëhen më të shpeshta për shkak të ndryshimeve klimatike. Gjatë qershorit u regjistruan deri në 39°C, ndërsa korriku pritet të sjellë valë të tjera të të nxehtit.

Më të prekura janë Bazeli, Gjeneva, Ticino dhe Valais i Poshtëm, ndërsa edhe Cyrihu renditet ndër qytetet më të nxehta për shkak të efektit të “ishullit të nxehtësisë urbane”.

Ekspertët këshillojnë të shmangen qendrat e qyteteve në orët e pikut, të preferohen parqet, pyjet dhe zonat me hije, si dhe ecjet në lartësi mbi 800 metra. Në liqene e lumenj, rekomandohet hyrja graduale në ujë për të shmangur shokun termik.

/albinfo