Çfarë tregojnë rrudhat e ballit për shëndetin e zemrës ?

Sëmundjet kardiovaskulare janë ndër më të përhapurat dhe më të rrezikshmet në botë, por trupi shpesh jep shenja paralajmëruese. Një studim i prezantuar në Kongresin e Kardiologjisë në Monako tregon se rrudhat e thella në ballë mund të jenë tregues i hershëm i problemeve me zemrën.

Sipas mjekëve, sa më të thella të jenë rrudhat e ballit, aq më i lartë është rreziku i sëmundjeve kardiovaskulare. Studimi, i zhvilluar mbi 3.200 persona për 20 vite, tregoi se ata me rrudha të thella kishin deri në 10 herë më shumë rrezik për dëmtime në zemër.

Këto rrudha lidhen me kolesterolin e lartë dhe hipertensionin, të cilat dëmtojnë enët e gjakut. Ekspertët këshillojnë një dietë të shëndetshme, ulje të yndyrave të këqija, gjumë të mjaftueshëm dhe shmangie të stresit për të mbrojtur shëndetin e zemrës.

/ms