Çfarë duhet të bëni nëse ndërroni shtëpinë në Zvicër ?

Zhvendosja në Zvicër nuk është vetëm çështje paketimi, por përfshin edhe shumë detyra administrative.

1. Apartamenti i vjetër:
Para largimit, sigurohuni që banesa të jetë e pastër dhe pa dëmtime. Zakonisht bëhet një inspektim përfundimtar nga qiradhënësi, i cili mund të kërkojë riparime ose pagesa për dëme.

2. Çregjistrimi dhe regjistrimi i adresës:
Duhet të njoftoni komunën e vjetër për largimin dhe komunën e re brenda 14 ditëve nga mbërritja. Kërkohen dokumente si pasaportë, leje qëndrimi, kontratë qiraje dhe kartë sigurimi shëndetësor.

3. Ndryshimi i adresës në postë:
Plotësoni formularin e postës të paktën 4 ditë para zhvendosjes për të siguruar shpërndarjen e saktë të letrave.

4. Njoftoni institucionet:
Informoni ofruesin e internetit, bankën, kompanitë e sigurimeve dhe mjekun për adresën e re.

5. Zyra e taksave:
Nuk është e nevojshme ta njoftoni vetë – komuna e bën automatikisht.

6. Furnizimet:
Nëse banesa është me qira, zakonisht nuk keni nevojë të njoftoni kompaninë e energjisë. Por nëse shtëpia është në pronësi, duhet të kontaktoni furnizuesin për aktivizim të energjisë.

/ms