Botim i ri universitar – “Përmirësimi Gjenetik dhe Seleksionimi i Bimëve” nga Dr.Sc. Gafurr Ajruli

“Përmirësimi gjenetik dhe seleksionimi i bimëve” është libri i shtatë universitar i
Dr. Sc Gafurr Ajrulit, i cili u dedikohet studentëve të bujqësisë dhe bioteknologjisë, si dhe të gjithë të interesuarve për këtë fushë shkencore.
Përmes këtij libri, studentët e kësaj lëmie dhe të interesuarit e tjerë mund të njihen me përmirësimin gjenetik të bimëve, i cili në thelb nënkupton përmirësimin e vetive cilësore dhe morfologjike, duke krijuar varietete të reja brenda llojeve të ndryshme bimore.
Gjatë përmirësimit gjenetik dhe seleksionimit të bimëve përdoren metoda të ndryshme gjenetike, duke filluar nga më të thjeshtat — si metoda e përzgjedhjes — deri te metodat bashkëkohore të përmirësimit gjenetik, përfshirë inxhinierinë gjenetike të bimëve.
Kjo metodë sot zë një vend qendror në krijimin e kultivarëve të ndryshëm, të cilët sigurojnë produktivitet më të lartë dhe kontribuojnë në plotësimin e nevojave ushqimore të popullatës njerëzore në rruzullin tokësor