BMW-ja, marka premium më e shitur në vitin 2024..!?

Bayerische Motoren Werke (BMW) ruajti titullin si marka premium, që përfshin veturat luksoze, më e shitur në vitin 2024. Prodhuesi bavarez arriti të shesë më shumë se dy milionë vetura vitin e kaluar.

Sipas raportit të shitjeve të saj për vitin e kaluar, marka bavareze shiti më shumë se 2.2 milionë vetura të reja.
Megjithatë, ky rezultat paraqet rënie prej 2.3 për qind nga niveli i regjistruar në vitin 2023. Megjithatë, rënia është më e vogël se e rivalëve të saj.

Më pas në listë është Mercedes-Benz, me 1.98 milionë vetura të reja të shitura në mbarë botën. Në rastin e markës me bazë në Stuttgart, ka rënie prej tre për qind të shitjeve në krahasim me vitin 2023.

Së fundi, nga tre prodhuesit premium gjermanë, Audi është kthyer në vendin e tretë. Marka me bazë në Ingolstadt shiti 1.67 milionë vetura të reja në mbarë botën, por pësoi rënie më të madhe. Shitjet e Audi ranë me 11.8 për qind në vitin 2024 krahasuar me një vit më parë.
Kur bëhet fjalë për shitjet e veturave elektrike, BMW-ja është sërish e para.

/tv21