Blerim Ramadani bëri promovimin e librit “Në mes Lavdisë dhe Harresës” në Zvicër

Shoqata Kulturore “Kërçova” me seli në Zvicër edhe kësaj here e dëshmoi, se mërgata shqiptare kërçovare është e bashkuar dhe vlerëon lart figurat kombëtare. Kjo shoqatë është emblem e aktiviteteve në të mirë të atdheut, rreth saj kishte e ka veprimtarë të devotshëm.

Në këtë eveniment kulturor ishin 4 kryetarët e shoqatës, tre që ishin dhe i sotshmi, gjë që rrallë mundesh ti takosh diku tjetër, kjo tregon një unitet të përbetuar.

Ashtu edhe siç ishte paralajmëruar, se sot duke filluar nga ora 15.00 do të promovohet monografia “Në mes Lavdisë dhe Harresës” me autorin, studiuesin, Blerim Ramadani i cili kishte ardhur enkas nga Kërçova që të promovoj librin për atdhetarin e pavdekshëm i cili do të jetoj brez pas brezi në shpirtin e çdo patriotit, Tefik Ramadani.

Ishin shumë personalitete. Edhe pse ishte e diele dhe nuk jemi mësuar të shohim nëpër promovime më shumë se 30 vet, na u duk se jemi në një koncert, ku të pranishëm ishin 150 bashkëkombas, zonja e zotërinj. Se çka u bashkëbisedua, çka tha Ambasadori i Republikës së Maqedonisë së Veriut, Shkëlqesia e Tij, z.Rexhep Demiri, pastaj se çka tha, z. Vigan Berisha Shef i Misionit Konsullor të Republikës së Kosovës në Cyrih, se si e kujtoi Tefik Ramadanin një bashkëkombas i tij, Prof. Rexhep Bajrami, fjala e kryetarit të Shoqatës Kulturore “Kërçova”, z.Resul Mehmedi, vlerësimi kritik nga PhD.Dashnim Hebibi, fjala e mirë edhe nga z.Florim Useini, atdhetar i njohur jo vetëm në Zvicër, z. Rafet Ademi nga Shoqata Kulturore “Fricktal” në kantonin Argau, etj, etj. Gjithashtu me një fjalë përshëndetëse të pranishmit i përshëndeti edhe vajza e z.Tefik Ramadani.

Autori, Blerim Ramadani me shumë emocione përmendi punën që e ka bërë me shumë përkushtim e duke falënderuar të gjithë ata që e kanë përkrahur. Për më shumë, së shpejti do ta lexoni një reportazh në platformën mediale helveticALforum.ch

/helveticALforum.ch