Blektorët e Kërçovës në hall (VIDEO)

Blegtoria në rajonin perëndimor po përballet me vështirësi financiare për shkak të vonesave në pagesat e subvencioneve. Blegtorët ankohen për mungesa ose vonesa subjencovnesh, që i kanë shumë të nevojshme për të mbijetuar dhe mbajtur gjallë kopenë. Autoritetet po punojnë për t’i përmbyllur pagesat.

Blegtori Ajet Zyberi nga 520 dhen sa ka pasur, i ka pakësuar në 100! Kjo për shkak se, siç shprehet, nuk po i merr subvencionet që i takojnë, e pa to, e ka të vështirë të ia dalë mbanë.

-Me subvencionet është situata bërllok nuk lëshojnë subvencione këta, kanë mbetur vetëm hajdutët, subvencione nuk kemi marr, kemi marr nga 1000 denarë në qengj të para dy viteve, të vitit të kaluar nuk kemi marr, këta janë duke luajtur me ne.

Unë kam pasur 520 dhen dhe tani kam 100 ja t’i shohësh vetëm këto kanë mbetur, djali nuk do të rrijë më këtu do të ik, rinia ikën prej këtu, unë nuk i duhen akujt 71 vjet kam edhe shtëpia ime nuk më do këta nëse nuk japin subvencione do të zhduket blegtoria.

Njëjtë si Ajeti, edhe plot blegtorë të rajonit perëndimor ankohen se ende nuk e kanë marrë pjesën e dytë të subvencioneve për dhentë që duhej ta merrnin në fund të qershorit. Shprehen se nuk kanë me çfarë t’i mbulojnë harxhimet, ndërsa nga ana tjetër përballen edhe me sfida të tjera, pasi shumë produkte importohen nga jashtë, e qengjat ua paguajnë shumë pak.

Të pyetur për këtë, nga Agjencia për mbështetje financiare të bujqësisë i thanë TV21 se tashmë janë paguar dy pjesë të subvencioneve dhe po punohet për pjesën e mbetur.

-Janë paguar dy pjesë të subvencioneve 600 denarë, janë paguar qengjat që janë dërguar në thertore nga 1000 denarë. Ka mbetur një pjesë 1400 denarë e papaguar, por punojmë në atë drejtim që sa më shpejt të paguhen edhe ato shpresojmë që t’i realizojmë para zgjedhjeve, por nëse jo, do të mbesin pas zgjedhjeve sepse faktor janë shumë institucione, jo vetëm Agjencia, nuk varet gjithçka prej nesh.

Për vitin 2025 duhet blegtorët të marrin nga 3000 denarë për kokë deleje që duhet të paguhen deri në fund të qershorit të vitit të ardhshëm.

VIDEO:

/tv21