Biografia e Kalosh Çelikut..

Kalosh Çeliku lindi më 13 shkurt l951 në fshatin Cërvicë të Kërçovës. Shkollën fillore e kreu në vendlindje dhe f. Garanë – Strellcë. Shkollën e mesme normale në Shkup, ndërsa studimet e Gjuhës dhe Letërsisë Shqipe i kreu në Universitetin e Prishtinës (Kosovë).

Çeliku shkruan poezi e prozë për fëmijë e të rritur dhe deri më sot ka botuar rreth shtatëdhjetë libra: Zogu erdhi me një këngë – vjersha (l982), Lepuri me pushkë – tregime (l983), Shtëpiza e xixëllonjave – tregime (1984, 2008, 2021), Ferexhja e zezë – dramë (1985), Arusha pa bisht – tregime (l986), Dielli zbret malevе – novelë (l986), Shtëpiza e xixëllonjave – tregime të përkthyera edhe në gjuhën maqedonase (1986), Varrimi i sorrave – roman (1988), Vite me borë – roman (l990, 2008, dhe në gjuhën maqedonase 2011), Trumbetat e Tellallit – satira (l992),Imzot, lehin qentë – dy drama (1993),

Një vit frikë- dy drama (1994), Trimi shihet në vepër – poemë (l994), Çohuni trima shaloni lapsin – rrëfenja (1994), Sorraku i Qytetit – pjesë teatrore (1994), Kali i Trojës nëpër “Bit – Pazar” – satira (1994), Loja e syve- poezi (1995), Babi ka dy nuse – roman, (1995), Vjellja e zorrëve – poezi (1996), Qyteti i qyqeve – roman (1997), E përcolla Natën- poezi (1998), Mbrëmë fjeta me Vjeshtën – poezi (1999), Kopeja me zgjebe ndjek Autorin – dy drama (2000), Shtëpia publike – roman (2000, 2015), Si u ndava me Gruan time – satira (2001), Gratë e mia besnike- roman (2001, 2020), Lamtumirë bërllok – nëntë drama (2002, 2007), Me tre varre – roman (2002), Vdekja më deshi më pak se Ti – poezi (2003), Edhe Ajo nuk ishte xheloze- poezi (2004), Repriza e “vëllazërim – bashkimit” – dramë (2005),

Atdheu ky burrë pa Grua – poezi (2006), Kulturofagu- antiroman (2006), Burrat i përzë me burra e Mua me gra – poezi (2007), Engjëlli im është Grua – poezi (2007), Dimri, s’vjen me lule – 5 poema (2007), Ujku e di një lojë – poezi (2007), Dac Poeti i shkruan poezi Mamit – poemë humoristike (2008), Ehu – poezi (2008), Gruaja besnike – roman (2009), Djemnusha – roman (2010), Xhadia – piblicistikë letrare (2011), Cuca Boheme u jep gji poezive të mia- poezi, përzgjedhje në gjuhën gjermane (2012), Plaga e dhjetë e Babait – roman (2012), Rrufjani- publicistikë letrare (2012), Qengji më tha: ha bar- roman (2013), Plaga e dhjetë me Hënën – poezi, përzgjedhje në gjuhën greke (2013), Gruaverë- përzgjedhje, poezi (2013) Imzot, lehin qentë- dhjetë drama (2013) I fshehur pas hënës- poezi, përzgjedhje në gjuhën rumune (2014), Lavdi “heronjve” të Xhadisë (publicistikë letrare, 2015), Zonjën Vdekje do ta marr për Grua – poezi (2015), Shtëpia publike – roman me tre libra (2015),

Dudumi gërhet për liri – groteskë idilike (2016, 2018), PYKË shelgu – publicistikë letrare (2019), Shtriga doli nga përralla – pjesë teatrore për fëmijë, 2019),Rrugaçja – poezi (2019)“Kali Shemës” pas porte – publicistikë letrare (2020), “Erdhe Ti – O iku Hana” -publicistikë letrare (2020), Koronavirusi (2020, në karantinë), Hënorja – roman (2021), Burri grave – poezi (2021) etj.
Që nga viti 1992 ai drejtoi Shtëpinë Gazetare – Botuese “ASDRENI”, në Shkup dhe ishte kryeredaktor i të vetmes revistë për humor dhe satirë “ZEKTHI”, që del kur t’i teket, Dje, në IRJ të Maqedonisë. Sot, në Maqedoninë e Veriut. Dhe, që nga viti (2009) mbarëkombëtarë si revistë për humor dhe satirë.

Kalosh Çeliku është fitues i disa çmimeve të konkurseve letrare në poezi, tregime dhe pjesë teatrore. Njëherit, edhe i çmimeve letrare: PERENDESHË E BUKURISË, në Netët e Poezisë Korçare (2003), në Korçë, Çmimin AS për letërsi (2007), në Kërçovë, “SYRI I KALTËR“ (2007), në Sarandë, “SEREMBE“ (2008), në Laç, “FLAKADANI I KARADAKUT“ (2009), në Viti, Çmim special për vëllimin poetik: EHU nga Simpoziumi Ndërkombtar “MUZA POETIKE”, “PEGASI” (2009), në Gjirokastër, “JEHONA E KARADAKUT” (2010), nё Kumanovё, “SKAMPINI” nё Festivalin Ballkanik tё pozisё (2010), nё Elabasan, Kurora e poezisë “KORÇA 2012”, në Korçë, Çmimin e parë për poezi të vitit (2014) “PAVARËSIA” e Kosovës nga Unioni i Shkrimtarëve dhe Kritikëve Shqiptar, në Prishtinë, METAFORA II (2014) nga Lidhja e Shkrimtarëve të Kosovës, Medaljen e artë “Aleksandri i Madh” (2015) nga Shoqata Kulturore e Salaminës KAFENEJA E IDEVE, dhe Çmimin UNESKO (Greqi), Çmimin e Karrierës për letërsi nga Unioni i Shkrimtarëve dhe Kritikëve Shqiptar, në Prishtinë (2019), etj.

Drama Ferexhja e zezë është vënë në skenë nga disa teatro në Kosovë e IRJ të Maqedonisë dhe është mirëpritur nga publiku e kritika letrare. Edhe satira Ndihma e shpejtë u përgatit për t’u vënë në skenë me mjaft sukses nga Trupa teatrore “Aleksandër Moisiu“ në Kumanovë dhe çoi pluhur nëpër kuluaret e oborrtarëve. Drama tjetër satirike Zorra qorre dy herë me radhë u përgatitë për skenë, një herë në Kumanovë dhe herën tjetër në Strugë, po i ranë në gjurmë kulturofagët, dhe nuk u shfaq para publikut artdashës edhe sot e kësaj dite.

Një fat të këtillë kanë pasur edhe pjesët teatrore për fëmijë të shpërblyera me çmime letrare dhe publikuara në periodikun e kohës duke u luajtur në skenat e shkollave fillore dhe Teatrot amatore në IRJ të Maqedonisë dhe Kosovë, duke u emetuar përmes valëve të radiotelevizionit të Prishtinës (Kosovë) dhe Tiranës (Shqipëri).

E, më vonë të publikuara si liber: Sorraku i Qytetit (1994), dhe Shtriga doli nga përrlla (2019).
Krijimtaria e tij letrare, është përkthyer në disa gjuhë: maqedonase, gjermane, françeze, turke, bullgare, rumune, greke etj. Që nga viti 1992 – 1997, ishte nënkryetar i Shoqatës të Shkrimtarëve Shqiptar, në Maqedoni. Dhe, kryetar 1997 – 2001. Gjatë një kohe (pas “ndryshimeve demokratike”), edhe kryetar i Lidhjes të Shkrimtarëve Shqiptar në IRJ të Maqedonisë (2001 – 2021), në Shkup.

Momentalisht, ende është kryetar i Lidhjes të Shkrimtarëve Shqiptar në Maqedoninë e Veriut, dhe themelues i disa manifestimeve kulturore tradicionale ndërkombëtare: Ditët e Naimit, në Tetovë, Takime nën Rrap, në Shkup (poezi erotike) dhe i Ditëve të Humorit dhe Satirës: XHA DERALLA, në Kërçovë. Poashtu, është edhe themelues dhe kryeredaktor i revistës letrare STILI 97, organ i Lidhjes të Shkrimtarëve Shqiptar, në Shkup.

Çeliku deri në vitin 1995 punoi si mësues i Gjuhës dhe Letërsisë Shqipe në Drenas (Drenicë) të Kosovës (1972-1975), dhe Malësinë e Shkupit (1980 -1995). Vitet e fundit punon dhe jeton, në Shkup. Tashmë, në profesionin e lirë të shkrimtarit.
Lufta, vazhdon me Penë!…

/Valmir Aziri