Besiana Mehmeti shënon 20 vjetorin e veprimtarisë muzikore

Me mbështetjen e Ministrisë së Kulturës në Qendrën për Kulturë në Kërçovë, solistja e njohur Besiana Mehmeti prezentoi një koncert muzikor me rastin e 20 vjetorit të veprimtarisë së bujshme muzikore. Arritjet dhe sukseset e këtij rrugëtimi 20 vjeçar, ajo ia dedikoi babait të saj, gazetarit dhe publicistit Qani Mehmeti.

Manifestimi kushtuar 20 vjetorit të veprimtarisë muzikore të Besiana Mehmetit, filloi me transmetimin e materialit filmik që shpalosi rrugëtimin e suksesshëm 20 vjeçar të Besianës, që nga ngjitja e saj e parë në skenë, pikërisht këtu, në skenën e vendlindjes së saj, në Kërçovë. Ajo në këtë përvjetor jubilar prezentoi këngët më të sukseshme ndër vite të prezentuara në festivale dhe evenimente të ndryshme muzikore.

Njëri ndër bashkëpuntorët e saj të ngushtë që ishte angazhuar edhe për moderimin e këtij manifestimi Avni Qaili, duke përshkruar veprimtarinë shumëdimensionale të Besianës, vuri në dukje sukseset e arritura të Besianës gjatë dy dekadave, si muziciente dhe pedagoge në Universitetin e tetovës. Veprimtarinë e bujshme artistike të Besianës, në këtë përvjetor jubilar e përshëndeti edhe kreu i komunës së Kërçovës Fatmir Dehari dhe zyrtari i Ministrisë së Kulturës në Republikën e Kosovës Sami Pirraj.

Vlersimet e tyre për Besianën, të transmetuara përmes videobimit i prezentuan edhe profesorët dhe bashkëpuntorët e saj, si dhe Valmir Aziri, sekretar shtetror në Ministrinë e Kulturës, e cila edhe e ndihmoi organizimin e shënimit jubilar të karrierës muzikore të solistes së njohur Besiana Mehmeti.

/pollogu