Berni është një nga qytetet më të sigurta në botë..!?

Kryeqyteti i Zvicrës është në top 10-shen e qyteteve më të sigurta në botë, sipas Hartës së Riskut të Sigurisë 2025 të publikuar rishtazi, përcjell albinfo.ch.

Ky vlerësim bazohet në rreziqet aktuale dhe të parashikuara, duke përfshirë krimin, stabilitetin politik, shqetësimet shëndetësore dhe faktorët mjedisorë.

“Qyteti ia detyron vendin e tij në dhjetëshen e parë për shkallën e ulët të krimit dhe stabilitetin socio-ekonomik, ndër të tjera”, thuhet në raport.

Ai gjithashtu “i jep vlerë të madhe angazhimit social dhe transparencës në zbatimin e ligjit, gjë që forcon besimin midis autoriteteve dhe banorëve”.

/albinfo