Bekteshi: KRRE me siguri nuk do ta pranojë kërkesën e kompanive për rritje të çmimit të rrymës elektrike.. (VIDEO)

Ministri i Ekonomisë, Kreshnik Bekteshi tha se Komisioni Rregullator i Energjetikës me siguri nuk do ta pranojë kërkesën e kompanive energjetike për rritje të çmimit të rrymës elektrike, përcjell TV21. Si shembull Bekteshi e dha kërkesën e vitit të kaluar nga kompanitë, të cilat nuk u morën plotësisht parasysh gjatë vendimit të KRRE-së.

“Vitin e kaluar kompanitë energjetike kërkuan rritje, nëse ju kujtohet, prej 78 për qind, disa kompani kaluan edhe 100 për qind.

Nuk është me rëndësi sa kërkojnë ata, me rëndësi është se sa do të miratohet nga ana e Komisionit Rregullator të Energjetikës dhe cili do të jetë çmimi që do ta miratojë Qeveria ndaj EMV-së, e cila do ta jep ndaj furnizuesit universal, në këtë rast ndaj EVN, çmim që vlen për amvisëritë dhe shpenzuesit e vegjël, që do të thotë se 13 për qind rritje që kërkojnë kompanitë energjetike, me siguri nuk do të pranohet”, tha Bekteshi.

VIDEO:

/tv21.tv