BDI-së po i avullohen aktivistët” a po i dështojnë takimet me qytetarët..!?

Bashkimi Demokratik për Integrim nga një parti serioze dhe ndër më të strukturuarat në vend ka rrëshqitur në një parti që po rrezikon ekzistencën e saj. Jo që do të shkatërrohet në tërësi por për faktin që nga BDI nuk janë mësuar të takohen me qytetarët në salla tejet të zgjedhura ngushtë e më ngushtë, të takohen vetëm me anëtarët e tyre, e këto gjëra se fundmi po i ndodhin kësaj partie. BDI takimet me qytetarët i filloi si test për ta parë se si qëndrojnë në opinion që me shumë gjasë tani janë të zhgënjyer nga përgjigja e qytetarëve, shkruan Zhurnal.

Takimet me qytetarët drejt harresës, cili do të jetë veprimi i radhës i BDI-së?
BDI kalimin në opozitë nuk e mirëpriti fare mirë, kjo mbase ka qenë e ditur duke marrë për bazë qëndrimin e tyre për një kohë të gjatë në pushtet. Dhe, tani ky kalim i pa pritshëm e i padëshiruar për ta ndikoi që kalimin në opozitë ta bëjnë në faza të caktuara.

Duke filluar nga telefoni i kuq, për të vazhduar tutje me paralajmërime për protesta, tutje letra dërguar përfaqësive diplomatike në vend e deri tek ideja më lehtë e realizueshme takime me qytetarët ose më mirë thënë me bashkëpartiakët. Pra, këto ishin disa nga taktizimet e para të BDI-së si parti opozitare. Mes të tjerash shumë prej tyre dështuan akoma pa filluar.

Telefoni i kuq dështoi qysh në fillim, protestat nuk u panë akoma, letrat ishin pa feedback një kahesh pa përgjigje, e takimet me qytetarët ishin ndër më të vështirët që kishin realizuar ndonjëherë. Sepse, sallat ishin gjysmë të mbushura edhe përkundur faktit që janë tejet të ngushta e të vogla. Pra, siduket kjo formula e fundit përmes të cilës tentuan nga BDI të sinjalizojnë që janë aktivë akoma në skenën politike po shkon drejt harresës.

Ndryshe, vlen të theksohet se në takimet që BDI po realizon me degët e tyre e që po i quajnë si takime me qytetarët të pranishëm janë vetëm aktivistët e ngushtë partiak. Madje, sipas burimeve përbrenda partisë një numër i të pranishmeve në këto takime hezitojnë të dalin në fotografi të përbashkët. Pra, kemi një situatë diametralisht të kundërtën për një kohë jo të gjatë pra nga periudha kur fotografinë e liderit e mbanin në portofol deri në këtë kohë sot që hezitojnë të dalin në fotografi të përbashkët.

Nuk u bë kiameti BDI po e merr veten duke e pranuar realitetin e kalimit në opozitë –
Nëse eksponentë të caktuar të kësaj partie deklaronin vazhdimisht se zhurmën e bërë nuk e kanë për pushtet dëshmuan se kanë gënjyer, pasi shumë vështirë e përballuan faktin e të humburit pushtetin dhe kalimin në opozitë. Kjo mbase nga BDI u tentua edhe me forma e mjete të ndryshme të ndryshohet por e kot dështuan në secilën përpjekje.

Nuk u mbeti tjetër pos ta pranojnë e përqafojnë realitetin dhe të fillojnë të punojnë nga kampi opozitar, duke u shndërruar si partia më e madhe opozitare dhe konstruktive në të njëjtën kohë. Nga BDI të shtunën organizuar edhe mbledhjen e përgjithshme të partisë, ku miratuan tre rezuluta, pasi u vlerësua se gjendja në Maqedoninë e Veriut është shqetësuese. Kërkohet zbatim i potë i rezulutave nga institucionet shtetërore.

Legjitimitet, Rezolutë për domosdoshmërinë e zbatimit të Marrëveshjes së Ohrit, Marrëveshjes së Prespës dhe Marrëveshjes për fqinjësi të mire, së bashku me ndryshimet kushtetuese dhe Rezoluta mbi organizatën politike, ishin tri rezolutat të cilat u miratuan nga ana e anëtarëve e organeve drejtuese të mbledhura në Mbledhjen e Përgjithshme të mbajtur në Gostivar nga Bashkimi Demokratik për Integrim.

Nga kjo parti kërkuan që institucionet shtetërore të Maqedonisë së Veriut të angazhohen për zbatimin e plotë dhe të pandërprerë të këtyre tri marrëveshjeve ndërkombëtare, duke siguruar që ato të përmbushen në mënyrë të plotë dhe efektive, së bashku me ndryshimet kushtetuese. Gjithashtu i bënë thirrje komunitetit ndërkombëtar dhe institucioneve relevante të mbështesin Maqedoninë e Veriut në zbatimin e këtyre marrëveshjeve, duke ofruar asistencë dhe mbikëqyrje të nevojshme për të siguruar përmbushjen e tyre.

E ky veprim dhe hap i kësaj partie dëshmon dhe vulos realitetin faktik që BDI ka kaluar në opozitë, edhe pse dihej por e kishin të vështirë ta pranonin. Përpilimi i rezolutave është e drejt juridike e secilës parti apo subjekt, por kërkesa për miratim nga institucionet e vendit është delikate për faktin se këto institucione duhen të çkapen nga ndikimi që ka lënë pas kjo parti e pastaj të fillojnë me reformim e punë të nevojshme.

/Zhurnal.mk