Bashkohen tre platformat më të fuqishëme Kërçovare në internet

USKANA ime e dashur 🇦🇱❤️🇦🇱
Grupi “Kërçova Uskana Ilirida” i bashkohet platformës së përbashkët të TV Gurra dhe Kercova.net
Grupi social “Kërçova Uskana Ilirida” zyrtarisht i bashkohet platformës së përbashkët informuese të TV Gurra dhe Kercova.net, me qëllim të krijimit të një hapësire mediatike më të bashkuar, më profesionale dhe më të balancuar për qytetarët e Kërçovës.

Kjo nismë e re vjen në një moment kyç për qytetin në prag të garës zgjedhore, ku këtë herë do te kemi më vështirë përshkak se garojnë tre kandidatë shqiptarë në garë për udhëheqjen e komunës.

Në këtë kontekst, administrata e grupit ka vendosur rregulla të qarta dhe të paanshme, duke bërë thirrje për një debat qytetar, të kulturuar dhe të ndershëm.
• Çdo koment përçarës, fyes apo shpifës do të fshihet menjëherë dhe autori do të bllokohet nga grupi.

• Postimet nga profile të rreme (fake) nuk do të lejohen.
• Çdo postim do të verifikohet para se të publikohet, për të garantuar saktësinë dhe për të shmangur manipulimet.

Ky bashkëpunim përfaqëson një hap të rëndësishëm drejt një informimi të drejtë, larg ndikimeve të njëanshme dhe propagandës përçarëse, duke i dhënë përparësi transparencës dhe bashkëpunimit qytetar.

Grupi “Kërçova Uskana Ilirida”, së bashku me TV Gurra dhe Kercova.net, fton të gjithë qytetarët të marrin pjesë aktive në diskutime, por duke ruajtur respektin, unitetin dhe etikën.

Kërçova ka nevojë për zëra të bashkuar, jo për ndarje. Zgjedhjet janë sfidë – le t’i përballojmë me maturi dhe respekt.
Mbetshim faqebardhë shkruan aktivisti i dalluar Kërçovar Fikret Feta.

/ms