Baltë dhe gropa në rrugën “11 korriku” në Kërçovë..!? (VIDEO)
Baltë, ujë dhe gropa. Kjo është gjendja në lagjen ku gravitojnë shkolla fillore “Kuzman Josifoski Pitu” dhe internati i gjimnazit në Kërçovë. Rruga është kështu prej vitesh, që prej viteve të ‘60-ta ankohen banorët, duke shtuar se deri tani askush nuk ka intervenuar për ta rregulluar.
“Këtu çdo herë është katastrofë, vjen era kanalizim fëmijët këtu mësojnë. Kemi kërkuar nga drejtorët por drejtorët ndërrohen tanimë ka drejtor të ri ai nëse bën diçka, ja këtu është punuar dhe tre javë po qëndron ashtu dhe është rrezik ja po shihni vetë. Komuna nuk reagon në këtë pjesë punojnë në pjesën tjetër të qytetit”, thotë banori.
“Nga vitet e 60-ta kjo është kështu, kemi kërkuar si nuk kemi kërkuar por nuk është ndërmarrë asgjë, do të bëhet, do të bëhet por kur?”, thotë një tjetër banorë
Për këtë situatë TV21 kërkoi qëndrim edhe nga Komuna e Kërçovës prej ku na thanë se po punohet në vendosjen e gypave të rrjetit të kanalizimit dhe se e njëjta do të rregullohet sapo të ndalen të reshurat dhe koha të jetë e përshtatshme për asfaltim.
VIDEO:
/tv21
