Babë e bir rrezikojnë paraburgimin për vrasjen e Imamit !

Prokuroria Themelore në Prizren, në bashkëpunim të ngushtë me Policinë e Kosovës, ka bërë të ditur se janë duke vazhduar hetimet intensive, me qëllim të zbardhjen e plotë të motiveve dhe rrethanave në të cilat ka ndodhur ngjarja ku si pasojë, e therjes me thikë, ka vdekur hoxha Gazmen Tairovci nga fshati Zlipotok të Dragashit.
Sipas njoftimit, hetuesit dhe prokurorët po punojnë në mënyrë të koordinuar për të mbledhur dhe analizuar të gjitha provat relevante, në mënyrë që të sqarohen të gjitha aspektet e rastit dhe të përcaktohet përgjegjësia eventuale e të dyshuarve, raporton Klankosova.tv.

Tutje bëhet e ditur se brenda afatit ligjor, Prokuroria Themelore në Prizren do të parashtrojë kërkesë për caktimin e masës së paraburgimit ndaj Beshir Hamzës dhe babait të tij, në përputhje me procedurat ligjore në fuqi.

Arrestimi i babait të të dyshuarit ka ardhur pasi sipas kësaj prokurorie, dyshohet se ai nuk i ka dhënë ndihmë viktimës, pas therjes me thikë.
Me vendim të prokurorit të shtetit, i dyshuari B.H., është ndaluar për 48 orë, për shkak të dyshimit të bazuar se ka kryer veprën penale “Vrasja e rëndë”, sipas Kodit Penal të Republikës së Kosovës. Po ashtu, është ndaluar për 48 orë edhe babai i tij, për shkak të dyshimit të bazuar për kryerjen e veprës penale “Mosdhënia e ndihmës”, sipas Kodit Penal të Republikës së Kosovës.”, thuhet në njoftim.

Sipas Prokurorisë e ngjarja ka ndodhur më 29 qershor 2026, rreth orës 23:15 në fshatin Zlipotok të Dragashit dhe sipas organit të akuzës, viktima, i cili ishte imam i fshatit, është privuar nga jeta me mjet të mprehtë (thikë).

Autoritetet kanë theksuar se hetimet janë ende në fazë aktive dhe se për momentin nuk mund të jepen më shumë detaje, në mënyrë që të mos dëmtohet procesi hetimor dhe të ruhet integriteti i tij.

Rasti mbetet nën trajtimin e organeve kompetente, ndërsa priten zhvillime të reja në ditët në vijim pas përfundimit të veprimeve fillestare hetimore.
Sipas njoftimit, vdekja e viktimës është konstatuar nga mjeku në vendin e ngjarjes, derisa trupi i pajetë është dërguar për obduksion në Institutin e Mjekësisë Ligjore (IML), në Prishtinë.

“Prokuroria Themelore në Prizren, në bashkëpunim me Policinë e Kosovës, është duke vazhduar hetimet intensive për zbardhjen e motiveve dhe rrethanave të plota të kësaj ngjarjeje. Brenda afatit ligjor, Prokuroria do të parashtrojë kërkesë për caktimin e masës së paraburgimit ndaj të dyshuarve”, thuhet në njoftim.

/ts