Babai vr’et vajzën 13-vjeçare ! Nuk ishte dakord me videot e saj në TikTok..

Një baba pakistanez ka pranuar përpara policisë se ka vrarë vajzën e tij pasi nuk aprovonte videot e saj në rrjetin social TikTok.
Familja e Anwar ul-Haq u zhvendos nga Pakistani në SHBA dhe ai pranoi se kishte qëlluar vajzën e tij, Hira, në qytetin jugperëndimor të Quettas, të martën. Babai, i cili zotëron shtetësi amerikane, tha se postimet e vajzës së tij i konsideronte “të papranueshme”.

Fillimisht, ai i kishte thënë hetuesve se autorët e të shtënave ishin burra të paidentifikuar.
Policia deklaroi se po heton të gjitha këndvështrimet, përfshirë mundësinë e një vrasjeje për “nder”, një fenomen që nuk është i rrallë në vend.

Në rastin e Hira Anwar, e cila ishte 13 vjeç, një zëdhënës i policisë tha se familja e saj kishte kundërshtime për mënyrën e saj të veshjes, stilin e jetës dhe shoqërinë e saj. Gjithashtu, kunati i babait të saj është arrestuar në lidhje me vrasjen, sipas policisë.

Nëse zbulohet se kjo është një vrasje për “nder” dhe ata shpallen fajtorë, burrat do të përballen me një dënim të detyrueshëm me burgim të përjetshëm, një ndryshim në ligjin e bërë nga qeveria pakistaneze në vitin 2016. Më parë, ata mund të shmangnin dënimin me burg nëse faleshin nga familja e viktimës.

Sipas grupeve për të drejtat e njeriut, qindra njerëz, shumica prej tyre gra, humbin jetën çdo vit në Pakistan për shkak të të ashtuquajturave vrasje për “nder”. Këto vrasje zakonisht kryhen nga të afërmit që pretendojnë se po mbrojnë nderin e familjes.

/tv21