Ayhan Sulkoski falënderon Reisul Uleman për mbështetjen me rastin e emërimit si Kryetar i Këshillit të Komunës së Kërçovës

Kryetari i Këshillit të Komunës së Kërçovës, Ayhan Sulkoski, përmes një postimi në rrjetin social Facebook, ka shprehur mirënjohje dhe respekt të veçantë ndaj Reis ul-Ulema Haxhi Shaqir ef. Fetahu, me rastin e emërimit të tij në këtë funksion të rëndësishëm institucional.

Sulkoski vlerësoi lart urimet, praninë dhe bekimin shpirtëror të Reisul Ulemas, duke theksuar se ato përfaqësojnë një mbështetje të fuqishme morale dhe një obligim shtesë që detyrën ta ushtrojë me përgjegjësi, drejtësi dhe në shërbim të të gjithë qytetarëve, pa dallim feje apo përkatësie.

Ai shprehu gjithashtu mirënjohje të veçantë për Myftiun e Kërçovës, si dhe për imamët dhe hoxhallarët e qytetit, për praninë, mbështetjen dhe kontributin e tyre të vazhdueshëm në ruajtjen e vlerave shpirtërore, morale dhe shoqërore.

Sipas Sulkoskit, këto momente janë dëshmi e qartë se respekti i ndërsjellë, uniteti dhe bashkëpunimi përbëjnë themelet mbi të cilat duhet të ndërtohet e ardhmja e Kërçovës.

/tvgurra