Autostrada Kërçovë–Ohër: “Legjenda e Temelurës” moderne !

Autostrada Kërçovë–Ohër po shndërrohet në një “Legjendë të Temelurës” moderne: një projekt që kërkon sakrifica të pafundme, ndërsa populli i paguan kostot e shtrenjta sikur rruga të shtrohet me ar.

Nga 374 milionë euro në nisje (2014), kostoja ka kaluar 600 milionë, dhe me aneksin e tetë pritet të afrohet ose tejkalojë 800 milionë euro për vetëm 57 km – gati 14 milionë euro për kilometër, duke e bërë një nga autostradat më të shtrenjta në rajon.

Punimet po kryhen nga kompania shtetërore kineze Sinohydro Corporation Limited, e angazhuar përmes një ligji të veçantë gjatë qeverisjes së Nikolla Gruevskit, me financim nga Export-Import Bank of China.

Zvarritjet 12-vjeçare, gabimet në trasenë fillestare, rrëshqitjet e dheut dhe tetë anekse kontraktuale kanë rritur ndjeshëm barrën financiare. Projekti është pjesë e Korridorit VIII, me rëndësi strategjike rajonale dhe euroatlantike.

Mes akuzave për korrupsion dhe dyshimeve për sabotim gjeostrategjik, mbetet pyetja: a do të përfundojë më 31 maj 2027, apo do të kërkojë “flijime” të reja për të mbajtur rrugën në këmbë? 🚧

/tvgurra