Autoritet thonë se punëtorët po kërkojnë shumë, kur bëhet fjalë për rritjen e pagës !?

Shumë kërkoni, iu thanë autoritet punëtorëve në Këshillin Ekonomik dhe Social, thotë kreu i LSM-së, Sllobodan Trendafillov. Sipas tij punëdhënësit kanë deklaruar se nuk ka vend për rritje të pagës minimale në vend dhe se punëtorët nuk janë produktivë. Ata duan të na tregojnë se çfarë të blejmë, ku të bëjmë pazar, sa të blejmë, sa të hamë, sa të pimë, dhe nuk duan të na tregojnë se sa do të na i rrisin pagat, shtoi Trendafillov.

“U tha se kërkojmë shumë dhe se 5 persona në LSM janë mbledhur dhe bisedojnë joseriozisht. Për punëtorët është humbje, për Qeverinë është humbje edhe më e madhe. Punëdhënësit, për fat të keq, besojnë se nuk ka vend për rritje të pagës minimale në Maqedoni, besojnë se punëtorët paguhen mjaftueshëm dhe besojnë se punëtorët nuk janë produktivë. Sa na paguajnë aq jemi produktiv, sa më shumë na paguajnë, aq më shumë do të jemi produktivë“, tha Slobodan Trendafilov.

Marjan Risteski, kryetar i Konfederatës së Organizatave Sindikale të Maqedonisë, thotë se sindikatat e ndara, nga ana tjetër kanë punëdhënës të bashkuar.
“Për fat të keq para sindikatave të ndara, nga ana tjetër kemi punëdhënës të bashkuar, punëdhënësit kur dëgjuan se po vihet pika në rendin e ditës, ata u bashkuan dhe thanë se nuk ishin të gatshëm të flisnin, nuk kishin materiale dhe kishin argumente të tjera të tyre, dhe se nuk ishin të gatshëm të diskutonin për pagën minimale, natyrisht u anulua, LSM do të dorëzojë dokumentacion, ata do të kenë kundërargumente dhe fakte, dhe në mbledhjen e ardhshme do të diskutojnë për pagën minimale”, u shpreh Marjan Risteski – KOSM.

Autoritetet mbeten në qëndrimin se çfarëdo që pajtohen punëtorët dhe punëdhënësit, ata do të pranojnë.
“Nëse sindikatat harmonizohen me punëdhënësit, ne jemi aty për t’i mbështetur, nuk mund të mbajmë një anë në radhë të parë, e dyta në administratën publike pagat janë rritur, për një vit janë rritur në arsim, në shëndetësi, në polici. Ne nuk do të bëjmë politika siç bëri qeveria e mëparshme, sepse duhet të shohim produktivitetin e punës, nuk mund të sjellim veten në ad-hok rritje page minimale, e në anën tjetër të kemi inflacionin”, deklaroi Besar Durmishi.
Nëse nuk dëgjohen kërkesat, Lidhja e Sindikatave nuk përjashton mundësinë e protestave dhe grevës së përgjithshme.

/Alsat.mk