Autobusët e “Durmo Turs” kishin instaluar pajisje për manipulim me shpejtësinë !
Shefi i Durmo Turs, Remzi Miftari, ka patur vetëm shkollim fillor, duke mos pasur asnjë ditë trajnime profesionale apo kurse, apo çfarë do tjetër kompetence, ka udhëhequr dhe menaxhuar me punën e transportit. Këtë në fjalët hyrëse i theksoi prokurori Darko Jakimovski, sa i përket aksidentit me autobus në Llaskarcë, njofton Shenja.
Me urdhër të Remzi Miftarit, janë vendosur mjete për manipulimin e shpejtësisë në tahograf, ndërsa shoferët kanë poseduar pullë special për aktivizim dhe çaktivizim të saj, për të mos e treguar shpejtësinë reale gjatë kontrolleve policore.
Pas këtij aksidenti të rëndë ndërprerës të tillë janë hequr nga së paku dy autobusë. Ndryshe shoferët tjerë kanë dëshmuar se kjo gjë ka ndodhur vazhdimisht.
“Asnjëherë nuk ka ndodhur ndonjë autobus të kalojë kontrollin teknik për shkak të ndonjë parregullsie teknike. Vetëm në 2019-tën janë konstatuar parregullsi tek 80 autobusë të cilët ishin kontrolluar”, ka thënë Jakimovski.
Tre kontrollorët në stacionin për kontrolle teknike është dashur të ndalojnë autobusin fare të mos futet në komunikacion, ka shtuar prokurori.
Prokurori më tej ka thënë se shoferi nuk ka qenë nën ndikim të alkoolit apo në ndikim tw ndonjë substance tjetër dhe nuk ka përdorur telefon që t’ia merr vëmendjen.
/SHENJA
