Austriant nuk e duan Maqedonin në Europë..!

Maqedonia e Veriut është shtet kandidat për në BE që nga viti 2005, që nga fillimi këtij rrugëtimi ende ka skepticizëm dhe dyshime nëse një ditë do të vijë fundi i kësaj përpjekje të kamotshme. Njëherë problemet me shtetet fqinjë, pastaj problemet me shtetet evropiane, refuzimi Francës, kërkesa të ndryshe, nevoja për reforma, e shumëçka ishin barriera që penguan e po vazhdojnë ta mbajnë peng këtë rrugëtim të Maqedonisë së Veriut drejt familjes evropiane, BE-së.

Por, nuk janë vetëm institucione të caktuar që nuk e duan RMV në BE, sipas një anketa qytetarët e Austrisë nuk e duan RMV-në në BE. Bëhet fjalë për anketën e realizuar nga Shoqata Austriake për Politikë Evropiane, e cila është bërë në prill të këtij viti, asnjë kandidat potencial për anëtarësim nuk ka marrë përkrahje nga shumica e qytetarëve.

Për ironi rezultatet e kësaj ankete kanë treguar që austriakët më shumë janë pro hyrjes së Turqisë në BE se sa shteteve të tjera. Edhe përkundër faktit që më 26 qershor 2018, Këshilli i Çështjeve të Përgjithshme të BE deklaroi se “Këshilli vëren se Turqia është duke u larguar më tej nga Bashkimi Evropian, si dhe politikat e planifikuara turke shkelin kriteret e Kopenhagës të pranueshmërisë për një anëtarësim në BE, shkruan Zhurnal.

Qytetarët e Austrisë nuk e duan Maqedoninë e Veriut në BE, janë kundër zgjerimit –
Austriakët mbeten skeptikë për zgjerimin e mundshëm të ardhshëm të Bashkimit Evropian. Sipas anketës së Shoqatës Austriake për Politikë Europiane, e cila është bërë në prill të këtij viti, asnjë kandidat potencial për anëtarësim nuk ka marrë përkrahje nga shumica e qytetarëve. Austriakët janë gjithashtu të ndarë në mendimet e tyre nëse Bullgaria dhe Rumania duhet të bëhen pjesë e zonës Shengen.

Bosnja dhe Hercegovina gëzon mbështetjen më të madhe për anëtarësim me mbështetjen e 29% të të anketuarve. Mbështetja për Serbinë, Malin e Zi, Shqipërinë dhe Maqedoninë e Veriut varion nga 24% në 21%, ndërsa vetëm 16% e qytetarëve do të jepnin dritën jeshile për Kosovën. Nga ana tjetër, 41% e austriakëve janë kundër hyrjes së Bosnjë-Hercegovinës, 41% janë kundër hyrjes së Maqedonisë së Veriut, 48% janë kundër hyrjes së Serbisë dhe 53% janë kundër hyrjes së Kosovës.

Qytetarët e Austrisë e kanë “pranimin” më të madh ndaj hyrjes së Turqisë në BE. Bisedimet për anëtarësim të plotë të Turqisë në BE filluan më 3 tetor 2005. Progresi ishte i ngadaltë, dhe nga 35 kapitujt e nevojshëm për të përfunduar procesin e pranimit vetëm 16 ishin hapur dhe një ishte mbyllur deri në maj 2016. Marrëveshja e hershme lidhur me çështjen e refugjatëve në vitin 2016 midis Turqisë dhe Bashkimit Evropian kishte për qëllim të shpejtojë negociatat pas ngecjes së mëparshme dhe të lejojë udhëtimin pa viza nëpër Evropë për qytetarët turqë.

Që nga viti 2016 negociatat e pranimit kanë ngecur. BE ka akuzuar dhe kritikuar Turqinë për shkelje të të drejtave të njeriut dhe deficite në sundimin e ligjit. Në vitin 2017, zyrtarët e BE u shprehën se politikat e planifikuara turke shkelin kriteret e Kopenhagës të pranueshmërisë për një anëtarësim në BE. Më 26 qershor 2018, Këshilli i Çështjeve të Përgjithshme të BE deklaroi se “Këshilli vëren se Turqia është duke u larguar më tej nga Bashkimi Evropian.

Krahasuar me anketën e mëparshme të kryer në korrik 2022, mbështetja për hyrjen e Serbisë dhe Shqipërisë në BE u rrit me 8 përqind, Bosnjes dhe Hercegovinës me 5 për qind dhe Turqisë me 3 për qind. Sipas anketës, për qytetarët e Austrisë, as Ukraina, as Gjeorgjia dhe Moldavia nuk janë të mirëseardhura në Bashkim.

Nga ana tjetër, shumica në Austri është kundër hyrjes së Bullgarisë dhe Rumanisë në zonën Shengen. 38% thanë se ishin në favor të hyrjes së Bullgarisë, ndërsa 42% u përgjigjën “jo”. Për Rumaninë, shifrat janë pothuajse të ngjashme, 36% e austriakëve janë pro hyrjes së Rumanisë në Shengen, ndërsa 44% e të anketuarve janë përgjigjur “jo”.

Maqedonia e Veriut është e interesuar dhe ka nevojë për anëtarësim në BE sa më parë –
Maqedonia e Veriut si shtet i pavarur nga 8 shtatori i vitit 1991, është pozicionuar në drejtim të anëtarësimit në BE si veprim strategjik i domosdoshëm për zhvillim të shtetit. Pra, rrugëtimi i Maqedonisë së Veriut drejt Bashkimit Evropian ka filluar menjëherë pas pavarësimit, ndërsa zyrtarisht më 17 dhjetor të vitit 2005 Këshilli Evropës vendosi që Republikës së Maqedonisë, atëherë, ndërsa sot RMV-së, statusit shtet kandidat për anëtarësim në BE. Më 17 dhjetor të po këtij viti, 2023, RMV mbush plot 18 vite po me të njëjtin status vetëm shtet kandidat, pa marrë datën për fillim të negociatave.

Por, a është i nevojshëm ose i mjaftueshëm vetëm aplikimi e interesi i një shteti për t’u anëtarësuar në BE?, sigurisht se jo. Bëhet fjalë për disa kushte që duhet plotësuar secili shtet i interesuar për t’u bërë pjesë e familjes së madhe evropiane. Mirëpo për çfarë kushtesh bëhet fjalë, flitet për kushte që janë vështirë për t’u plotësuar apo mungesë e seriozitet të shteteve kandidate në përgjithësi, e në veçanti të shtetit tonë?, janë çështje të diskutueshme.

Kujtojmë që, Maqedonia e Veriut ka hapur diskutimin për marrjen e një date për fillim të negociatave me BE-në në qershor të vitit të kaluar, pas arritjes të një marrëveshjeje përfundimtare me Bullgarinë, i njohur si propozimi francez. Por, për të hapur negociatat përfundimisht Maqedonia e veriut është e kushtëzuar për të bërë ndryshime kushtetuese dhe për të futur bullgarët si pjesë integrale në Kushtetutën e vendit.

/Zhurnal.mk