Austri: Persona nga Maqedonia kërcënojnë me armë dy shtetas rumunë..!?

Skena të egra janë zhvilluar në Wels të Austrisë. Dy persona kanë kërcënuar dy persona të tjerë me pistoleta mbrëmjen e së dielës. Dy viktimat fillimisht kanë mundur të arratisen me veturë, por pak kohë më vonë janë kërcënuar sërish. Më pas thuhet se ka pasur një të shtënë

Dy shtetas të Maqedonisë së Veriut nga Welsi (26 dhe 23 vjeç) dyshohen se kanë kërcënuar me armë zjarri dy shtetas rumunë (43 dhe 36 vjeç) në Eferdinger Strasse në Wels rreth orës 12:35 të së dielës, tha policia në një deklaratë të transmetuar, përcjell portali Shtegu.

Dy rumunët, të cilët supozuan se sulmuesit donin para, ikën me shpejtësi me veturën e tyre. Dy shtetasit e Maqedonisë së Veriut kanë zbritur nga automjeti i tyre dhe janë nisur drejt veturës së rumunëve, ku njëri prej të dyve thuhet se ka qëlluar me armë.

Viktimat më pas janë larguar sërish dhe kanë lajmëruar policinë. Për shkak të targës, dy autorët u identifikuan me shpejtësi dhe u arrestuan nga një patrullë e SIG. 26-vjeçari ka rrëfyer se janë përballur me dy rumunët me armë zjarri, një pistoletë gazi dhe një armë të butë, në duar.

Por ata nuk donin t’i grabisnin dhe nuk donin të dëgjonin për ndonjë kërcënim. Pas konsultimit me prokurorinë publike të Welsit, dy shtetasit e Maqedonisë së Veriut u dërguan në burgun e Welsit.

/shtegu