Asan Lena prej vitesh ushqen vullnetarisht qentë endacakë në Kërçovë.

Pa asnjë interes personal, Asan Lena nga Kërçova prej vitesh ushqen dhe mban gjallë një numër të madh qensh endacakë në qytet. Ai jo vetëm që i ushqen këta qen, por shpesh edhe shoqërohet me ta. Kur e vërejnë në rrugë, ata vrapojnë drejt tij duke tundur bishtat, i afrohen dhe e ledhatojnë, ndërsa ai ua kthen me të njëjtën dashuri. Ai thotë se është shumë i lumtur dhe i kënaqur që qentë tek ai shohin një shpëtimtar dhe mik të afërt.

Gjatë dhjetë viteve të fundit, sa herë që dal nga shtëpia, takimin e parë e kam me qentë endacakë të qytetit. Dhe zakonisht, kur dal për shëtitje, fillimisht vizitoj ndonjë kasap ose furrë buke për t’i furnizuar me ushqim të mjaftueshëm miqtë e mi të rrugës, e më pas vazhdoj me obligimet familjare dhe me kafen e mëngjesit me miqtë. Me kalimin e viteve jam lidhur aq shumë me ta, sa që çdo ditë ma zbukurojnë jetën. Më kanë dashur aq shumë sa mendojnë se nuk munden pa mua, ashtu siç as unë pa ta, dhe kështu do të jetë deri në fund të jetës sime – thotë Lena.

Për shkak të modestisë së tij, ai kurrë nuk është ankuar se kjo shoqëri kushton para.
Të jem i sinqertë, kurrë nuk kam menduar të ankohem për miqtë e mi të rrugës apo të theksoj se shoqërimi me qentë endacakë kushton para. Megjithatë, nuk ankohem dhe premtoj se edhe në vitet në vazhdim do të më takoni në rrugë dhe do të më shihni duke i ushqyer dhe duke i përkëdhelur.

Për mua kjo shoqëri është kënaqësi dhe kushdo që do të ishte në vendin tim do t’i ndiente të njëjtat begati – shton humanisti Lena, i dashur mes qenve endacakë në gjithë qytetin, të cilët, siç bën shaka ai në fund, e konsiderojnë jo vetëm mikun e tyre më të afërt, por edhe diçka si të afërm.

Qytetarët theksojnë se ky është një akt human i Asan Lenës, por se është e nevojshme që qyteti, siç i takon, të ketë një strehë për qentë endacakë, në mënyrë që ata të jenë të përkujdesur në mënyrë të përhershme.

/nmk