Arrestohet në Turqi kreu shqiptar i narko-kartelit Dritan Rexhepi..(VIDEO)
Kreu i kartelit të drogës “Kompania Bello”, Dritan Rexhepi, është arrestuar gjatë një operacioni policor në Stamboll.
Narkotrafikanti shqiptar kishte hyrë në Turqi me pasaportë false.
Ministri i Punëve të Brendshme të Turqisë, Ali Yerlikaya, tha se autoritetet turke konstatuan se Rexhepi hyri në Turqi nga aeroporti i Stambollit me pasaportë kolumbiane të regjistruar në emrin e Benjamin Omar Perez Garcia.
Ministri Yerlikaya, i cili njoftoi operacionin në llogarinë e tij në rrjetet sociale, deklaroi se policia e Stambollit arrestoi liderin e kartelit të njohur të drogës si rezultat i ndarjes së informacionit me policinë italiane, shkruan EuroNews.
“Lufta jonë kundër trafikantëve të drogës dhe organizatave të krimit të organizuar do të vazhdojë të rritet me vendosmëri”, tha ministri turk.
VIDEO:
Kırmızı Bülten’le aranan "Kompanio Bello" isimli uyuşturucu Kartelinin lideri Dritan Rexhepı İstanbul'da yakalandı.
— DarkWeb Haber (@Darkwebhaber) November 10, 2023
/tv21
