Arrestohet 12 shoferë ! Dy nga Kërçova ?

Gjatë 24 orëve të fundit në mbarë territorin e vendit, nëpunësit policorë privuan nga liria 12 shoferë, prej të cilëve shtatë për drejtimin e automjetit pa patentë shoferi, tre për vozitje edhe përkundër asaj se kanë pasur ndalim aktiv për drejtimin e automjetit dhe nga një për vozitje nën ndikimin e alkoolit dhe me shpejtësi më të madhe nga e lejuara.

Nga shtatë të privuarit nga liria për vozitje pa patentë shoferi, tre janë të mitur. Një i mitur nga rajoni i Tetovës ka drejtuar automjet, dhe nga një i mitur në Kriva Pallankë dhe në Negotinë kanë drejtuar mopedë pa leje drejtimi. Katër shoferët e tjerë janë privuar nga liria për kundërvajtjen e njëjtë në Shkup, në Shtip, në Kërçovë dhe në Manastir.

Dy shoferë në Shkup dhe një në Kërçovë kanë drejtuar automjetin me ndalim aktiv. Ndërsa një shofer në Resnjë ka drejtuar traktor me 2.83 promilë alkool në gjak dhe një shofer në Manastir ka drejtuar automjetin me shpejtësi më të madhe nga e lejuara. Pas dokumentimit të plotë të rasteve, do të ngrihen kallëzime penale përkatëse.

U bëjmë thirrje të gjithë pjesëmarrësve në komunikacion që të respektojnë rregullat dhe rregulloret e trafikut, të mos drejtojnë automjete pa e kaluar provimin për patentë shoferi ose nëse u është shqiptuar masa e ndalimit të drejtimit ose nëse janë nën ndikimin e alkoolit, dhe të kontribuojmë të gjithë bashkërisht për një siguri më të madhe në trafik.

/ms