Arrestohen ish-drejtorët kishin bër një krim prej 6.5 milionë eurosh..!?

Një aksion i madh policor është zhvilluar në orët e para të mëngjesit , ku janë arrestuar një numër i madh personash, të dyshuar për keqpërdorime dhe krime lidhur me termocentralet në Manastir, Osllomej dhe Negotinë. Personat e arrestuar dyshohen për keqpërdorim të thirrjes publike për blerjen e aditivëve, me çka është shkaktuar dëm prej 6.5 milionë eurosh. Aksioni është zhvilluar nga Ministria e Punëve të Brendshme dhe Prokuroria për Ndjekjen e Krimit të organizuar dhe korrupsionit dhe në të janë përfshirë 29 persona fizikë dhe 4 persona juridikë nga Velesi, Negotina, Manastiri, Kërçova dhe Shkupi.

Përveç ish drejtorit të EMV-së dhe ish anëtarit të Bordit të Drejtorëve të Kompanisë, Vasko Kovaçevski, i cili dyshohet për veprën e keqpërdorimit në shërbim, në listën e të dyshuarve është edhe Vasko Stefanov, i cili pasoi Kovaçevskin në pozitën e drejtorit të përgjithshëm të EMV.

Me aksionin është përfshirë gjithashtu Pece Matevski nga Manastiri, ish-drejtori i RЕК Manastir. Stefanov dhe Matevski dyshohet se kanë ndihmuar në abuzimin e procedurës për thirrjen publike, si anëtarë të një shoqërie kriminale. Ndërkaq, ish drejtori komercial i EMV-së, Ardijan Muça, është i dyshuar për veprën penale “Abuzim me pozitën zyrtare”.

Lidhur me aksionin, ka folur sot edhe kryeminsitri i vendit, Hristijan Mickoski. Ai tha se janë arrestuar 23 persona, ndërsa Vasko Kovaçevski ka kohë që nuk është në vend, por Mickoski tha se presin ta sigurojnë dhe ta kthejnë në vend.

HRISTIJAN MICKOSKI, KRYEMINISTËR I MAQEDONISË SË VERIUT
“23 janë siguruar, minus një që pres që sot së shpejti të sigurohet para drejtësisë. Dhe që të gjithë të japin përgjigje për dyshimet e bazuara. Nga informacionet që kam nga MPB, bëhet fjalë për një grup të mirëorganizuar përfaqësuesish të lartë të kompanisë dhe personave që menaxhonin persona të tjerë juridikë, të cilët u bashkuan dhe dyshohet se kanë kryer një krim prej 6.5 milionë eurosh. Janë gjetur shumë prova, por këtë do t’ia lëmë prokurorisë dhe gjykatave, duhet të besojmë në prezumimin e pafajësisë, por ajo që është gjetur është vërtet shqetësuese”.

Ndërkaq, si organizatore në cilësinë e bartësit të kontratës për aditivët dyshohet edhe Maja Jordanova. Në aksion është përfshirë edhe Nebojsha Stojanoviq, edhe si organizator, i cili është ish-drejtor i TEK Negotinë. Prokuroria ka konfirmuar se aksioni po kryhet nën koordinimin e dy prokurorëve të Prokurorisë Publike.

/shenja