Argjend Lika me apel dedikuar Shoqatave Kërçovare në diasporë

APEL PËR NDIHMË
për birin e Komandant Telit – Letjan Myrta (Koxhaj)
Të nderuar kryetarë të shoqatave kërçovare në diasporë.
Me anë të këtij apeli, ju drejtohemi me respekt dhe besim në humanizmin tuaj.

Unë, Argjend Lika, pata nderin të vizitoj familjen e dëshmorit Komandant Telit, ku takova bashkëshorten e tij dhe dy fëmijët e tyre. Në Lörrach të Gjermanisë, ajo kishte sjellë djalin e tyre, Letjanin, për arsye shëndetësore.

Fatkeqësisht, Letjani nuk dëgjon më me veshët dhe ka nevojë për aparatë dëgjimi si dhe për mjekime e kontrolle të vazhdueshme.

Në këtë situatë të vështirë, ju bëjmë thirrje që të kontribuoni secili sipas mundësive për të ndihmuar birin e dëshmorit.

Oda Kërçovare, ndonëse nuk është shoqatë humanitare dhe nuk dëshiron të ndryshojë karakterin e saj, për këtë rast të veçantë jemi të gatshëm të hapim numrin e llogarisë së Odës për të grumbulluar ndihmat tuaja.

Çdo kontribut i juaji është një nderim i denjë për sakrificën e Komandant Telit dhe një dritë shprese për të birin, Letjanin.

Me respekt dhe mirënjohje,
Argjend Lika
Oda Kërçovare

/ms