Ankohen qytetarët: Çmimet janë shumë të larta në raport me pagat..

Shporta e Vitit të Ri do të përmbajë 600 produkte ndërsa lista e produkteve është përgatitur së bashku me tregtarët dhe prodhuesit dhe do të zgjasë një muaj. Shporta do të jetë gjithëpërfshirëse dhe ka produkte të propozuara edhe nga tregtarët por edhe nga prodhuesit.

Qytetarët sa i përket çmimeve thonë se janë tepër të larta në krahasim me pagat që i marrin dhe kërkojnë që kjo marzhë të vazhdoje edhe pas festave të fund vitit dhe jo vetëm një muaj.

“Një lëng është 80 denarë. Është e turpshme, çfarë çmimesh e çfarë uljesh. Luajnë me popullin ndërsa pagat na i lanë të njëjta”, u shpreh një qytetare.

“Dashtë Zoti që të ndodhë ajo që thuan sepse asgjë nuk realizohet nga ajo që e thonë. A arrin paga jonë që të bëhemi gati për vit të ri? Jo, duhet më shumë”, tha një tjetër qytetar.

“Nuk e di çfarë do të ndodhë, duhet të jetë më lirë sepse është shumë shtrenjtë”, theksoi një qytetar.
“Shtrenjtë është, çfarë të bëjmë, kjo është jeta. Ndihma sociale e ulët, 5.000 denarë nuk është asgjë. Çfarë të hamë nga ndihma sociale, të paguajmë rrymën apo të ushqehemi”, tha një qytetare.

/Alsat.mk