Amerikania shpërthen në lot: Në Zvicër më urrejnë sepse jam e huaj

Një e re nga SHBA ka hapur debat në rrjetet sociale pasi deklaroi se po përballet me armiqësi në Zvicër vetëm pse është e huaj, përcjell albinfo.ch.

Në një video në TikTok me mbi 328 mijë shikime, ajo rrëfen mes lotësh se, ndonëse u zhvendos në Zvicër për “një jetë më të mirë”, është ndier e refuzuar dhe e përjashtuar. Ajo, që jeton në kantonin Thurgau, thotë se ka përjetuar vazhdimisht qëndrime negative dhe flet për një “urrejtje ndaj emigrantëve”.

Videoja ka marrë mbi 15.600 komente – shumë me mbështetje, por edhe kritika, ku disa theksojnë rëndësinë e integrimit dhe mësimit të gjuhës. Rasti ka rihapur debatin mbi sfidat e emigrantëve dhe pritshmëritë për integrim në shoqëritë europiane.

/albinfo